Թրամփը շնորհակալություն է հայտնել Գաղտնի ծառայությանը եւ իր ցասումն է արտահայտել ցուցարարների հանդեպ

ԱՄՆ նախագահ Դոնալդ Թրամփը Սպիտակ տան պաշտպանության համար շնորհակալություն է հայտնել Գաղտնի ծառայությանը եւ իր ցասումն է արտահայտել ցուցարարների հանդեպ։

Նախագահի խոսքերով՝ ինքը հետեւել է Գաղտնի ծառայության աշխատակիցների յուրաքանչյուր քայլին, եւ «չէր կարող իրեն ավելի պաշտպանված զգալ»։

Թրամփը նաեւ իր որակումն է տվել ցուցարարներին՝ նրանց անվանելով «պրոֆեսիոնալ կազմակերպված հսկայական ամբոխ»։

Նրա խոսքերով՝ եթե անկարգությունների մասնակիցները կոտրեին Սպիտակ տան ցանկապատը, «նրանց կդիմավորեին ամենակատաղած շները եւ ամենադաժան զենքը, որ ես երբեւէ տեսել եմ»։

Հիշեցնենք, որ Սպիտակ տան մոտ ցույցերի ժամանակ, որոնք սկսվել են ոստիկանի կողմից Մինեապոլիսում աֆրոամերիկացի Ջորջ Ֆլոյդի սպանության հետեւանքով բախում է տեղի ունեցել ցուցարարների եւ ԱՄՆ գաղտնի ծառայության աշխատակիցների միջեւ։

Donald J. Trump
✔
@realDonaldTrump
Great job last night at the White House by the U.S. @SecretService. They were not only totally professional, but very cool. I was inside, watched every move, and couldn’t have felt more safe. They let the “protesters” scream & rant as much as they wanted, but whenever someone....

117K
4:41 PM - May 30, 2020
Twitter Ads info and privacy
46.7K people are talking about this