Իշխանությունն «անմեղ» է, եթե նույնիսկ մեկ օրում 700 դեպք է արձանագրվում
Գործող իշխանությանը խորհուրդ տալն առնվազն անիմաստ է։ Նիկոլ Փաշինյանն ու նրա թիմը երբեք չեն ընդունելու, որ ինչ-որ հարցում սխալվել են, թերացել կամ ձախողվել են։ Օրինակ՝ նույնիսկ երեկ, երբ Փաշինյանը ամբողջ օրը ՖԲ-ում «կարգազանց» քաղաքացիների էր «հայտնաբերում», չուզեցավ ընդունել, որ Արցախի նախագահ Արայիկ Հարությունյանի երդմնակալության օրը հակասոցիալական վարքագիծ է դրսևորել՝ իր հետ ամբողջ էլիտային մասնակից դարձնելով խնջույքին։ Կամ պատկերացրեք՝ քաղաքացին սոցիալական վարքագիծ սովորի Փաշինյանից ու վարակակիր լինելու պարագայում՝ իր տան բակում հյուրեր ընդունի՝ թեկուզ ասուլիս տալու նպատակով, սոցիալական հեռավորությունը պահելով ու դիմակ կրելով։ Այս պարագայում անիմաստ է խոսել իշխանության գլոբալ պատասխանատվության մասին։
Նիկոլը նույնիսկ վարակակիր լինելու պարագայում անձամբ է ասուլիս տալիս՝ խախտելով հակահամաճարակային կանոնները ու դրանով բացահայտում է կարևոր մի իրողություն․ նրա ամբողջ իշխանությունը կառուցված է մեկ մարդու վրա ու պարզապես չկան երկրորդը կամ երրորդը, որոնք, ըստ անհրաժեշտության, պետք է փոխարինեն վարակակիր վարչապետին։
Նիկոլն այդպես էլ չի կարողացել համակարգ ստեղծել ու գլխավոր խմբագիր էլ մնում է՝ չնայած արդեն երկու տարի է զբաղեցնում է պետության ղեկավարի պաշտոնը։
Համակարգի բացակայություն և որոշումներ կայացնելու անկարողություն․ սրանք այսօրվա իշխանության հիմնական հատկանիշներն են ու դա է պատճառը, որ արդեն երկու օր է՝ Փաշինյանն անցել է իր իմացած միակ կառավարմանը՝ «ֆեսյբուքային վարչապետությանը»։
Երեկ վարչապետի մոտ խուճապ էր։ Բայց դրա պատճառը ոչ թե կորոնավիորւսային թվերն էին, որոնց նա արդեն երկու շաբաթ է պետք է «վարժված» լիներ, այլ՝ այն, որ խորհրդարանի ամենամեծ խմբակցությունը՝ ԲՀԿ-ն, երեկ ԱԺ-ում պատռեց իշխանության անպատասխանտվության «կուսությունը»։
Հ․գ- օրը կրկին բացվեց Նիկոլ Փաշինյանի լայվով, բայց արդեն նույնիսկ լսելը հետաքրքիր չէ․ այսօր 697 վարակակիր է գրանցվել բայց իշխանությունը «մեղք» չունի․․․
Չգիտեմ՝ իմաստ ունի, թե՝ ոչ, բայց մի անգամ էլ դիմեմ իշխանությանը։ Անհապաղ միջազգային օգնության խնդրանքով դիմեք մեր բարեկամ երկրներին, միջազգային կառույցներին․ երկիրն այլևս հումանիտար աղետի մեջ է։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...