Նիկոլը բյուջեի հաշվին իր ընտրողներին՝ ԱԺ պատգամավորներին, վճարում է պարգևավճարներ, պատգամավորները ընտրում են Նիկոլին. քաղաքագետ
Քաղաքագետ Ստեփան Դանիելյանը «Ֆեյսբուքի» իր էջում գրել է.
«Ցանկացած համակարգ ունի իր կոնստրուկցիան՝ կմախքը, որի շնորհիվ կենսագործում է ու չի փլուզվում։ Եթե քաղաքական միավոր է, ապա դա կարող է լինել ինչ-որ գաղափարախոսություն, համոզմունք, կան ինչ-որ առաքելություն կատարելու հավակնություն։
Ո՞րն է ՔՊ-ի գոյության իմաստը (ում այդ հապավումը ոչինչ չի ասում, ապա հիշեցնեմ, դա այսօրվա Հայաստանի իշխող կուսակցությունն է՝ Քաղաքացիական Պայմանագիր են ասում)։
Այդ կուսակցության անդամներին, առանձին-առանձին վերցրած, վիրավորելու որևէ միտում չունեմ։ Ոմանց շատ լավ եմ վերաբերվում, ոմանք ընկերներ են եղել, գուցե նաև հիմա կան որպես այդպիսին, ոմանք ունեն ներդրում տարբեր բնագավառներում։ Ես հիմա խոսում է ՔՊ մասին որպես քաղաքական միավոր՝ հավաքական ամբողջություն։
ՔՊ-ն որպես այդպիսին այսօր քաղաքական բալաստ է՝ մեկ անձի կցորդ, անդեմ, անմիտ և անկարծիք։
Իսկ ի՞նչն է այսօր միավորում այդ մարդկանց։
Երևանի ավագանու նախորդ ընտրությունների ժամանակ, երբ ընտրակաշառքներն արդար ընտրության հիմնական խոչընդոտն էր, Նիկոլ Փաշինյանը առաջարկել էր, որ ով չվերցնի ընտրակաշառք, ընտրություններում հաղթելու դեպքում քաղաքի բյուջեից 5 հազարի փոխարեն 15 հազար կստանա։ Լուծումը կրեատիվ էր և շատերս դա համարեցինք որպես նախընտրսկան հնարք, կամ էպատաժ՝ ոչ ավելին։ Լինում է։
Սակայն այսօր դա իրականություն է դարձել։ Իրականում ԱԺ պատգամավորները Փաշինյանի ընտրողներն են ու բավական է, որ «չընտրեն», մեկ օրվա ընթացքում կկորցնի իշխանությունը։ Նիկոլը բյուջեի հաշվին իր ընտրողներին՝ ԱԺ պատգամավորներին, վճարում է պարգևավճարներ, պատգամավորները ընտրում են Նիկոլին։ Ավելի անկեղծ ասեմ՝ ժողովրդի փողերով գնում է ձեզ։ Դա ամենօրա գործընթաց է՝ գիտակցված ու լավ հաշվարկված հնարք։
Հարգելի ձերքայլականներ, դա է ձեր քաղաքական ուժի կոնստրուկցիան՝ իմաստն ու գաղտնիքը։ Սա է ընդամենը ՔՊ-ի ողջ բովանդակությունը և դրա համար եք միաձայն քվեարկում, միաձայն հարձակվում քննադատողների վրա, խոսում ու մտածում նույն կերպ, գործում ըստ հրահանգի։
Բայց դուք կարող եք հերքել այս կարծիքը։ Դրա համար պետք է միմյանց հետ բանավիճեք, հայտնեք ձեր սեփական, բնական պատճառներով միմյանցից տարբերվող կարծիքներ ու գործեք ըստ ձեր խղճի»։
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...