Սկսվեց. իշխանության խնդրի հանգուցալուծումը մոտ է
Մամուլում տեղեկություն է տարածվել Ռոբերտ Քոչարյանի ու Սերժ Սարգսյանի հանդիպման մասին, որի ժամանակ քննարկվել են նաեւ ներքաղաքական հարցեր: Իրավիճակը թեժացել է Ազգային ժողովում մեծամասնության նախաձեռնությունից հետո, որով փորձ է արվում լուծել ՍԴ նախագահի եւ կազմի փոփոխության հարցը: Նախագահ Արմեն Սարգսյանը ստորագրել է ԱԺ կանոնակարգում փոփոխությունների մասին օրենքը, որը հնարավորություն է տալիս դրանք ստորագրել ԱԺ նախագահին, առանց ՍԴ դիմելու:
Նախկին ռեժիմի ներկայացուցիչների համար դա կենսական հարց է, քան որ ներկայիս ՍԴ-ն նրանց անվտանգության որոշակի երաշխիք է: ԲՀԿ-ն փորձում է Սահմանադրական դատարանում վիճարկել մեծամասնության ընդունած օրինագծերը, ինչը հնարավորություն կտա կասեցնել ՍԴ կազմի փոփոխությունը: Սահմանադրական վեճը թեժացավ Վենետիկի հանձնաժողովի կարծիքից հետո, որը կողմերը մեկնաբանում են սեփական դիրքերից:
Նիկոլ Փաշինյանի հրաժարականն են պահանջում մի շարք կուսակցություններ ու խմբեր, որոնք ասոցացվում են նախկին համակարգի հետ: Խոսվում է ընդդիմադիրների համախմբման ու հուշագիր ստորագրելու մասին: Միեւնույն ժամանակ, մինչ այժմ նկատվում են որոշակի տարաձայնություններ, որոնք հնարավոր է կապված են նախկին համակարգի ներսում վաղուց առկա հավակնությունների, շահերի ու խնդիրների հետ:
Արդյոք Ռոբերտ Քոչարյանի ու Սերժ Սարգսյանի հանդիպումը կհարթի այդ տարաձայնությունները, որոնց ազդեցության տակ տարբեր խմբեր են գործում: Եվ հնարավո՞ր է համախմբում միասնական օրակարգի շուրջ: Մասնավորապես, խոսվում է անցումային կառավարության մասին, մինչեւ նոր ընտրություններ: Մյուս կողմից, այս խմբերը չեն ներկայացնում Հայաստանի ապագայի վերաբերյալ որեւէ կոնցեպտուալ մոտեցումներ ու ծրագրեր:
Իշխանության համար մի կողմից թվում է բարդանում է իրավիճակը, քանի որ այս ուժերը տիրապետում են ներքին ու արտաքին մեծ ռեսուրսների եւ ի վիճակի են իրականացնել լուրջ գործողություններ: Մյուս կողմից, իշխանության համար ստեղծվում է իդեալական իրավիճակ՝ բոլորին մի տեղում «համախմբելու» առումով, եթե իհարկե իշխանությունը տիրապետում է նման տեխնոլոգիաների:
Ի՞նչ զարգացումներ են սպասվում: Ներքին դերակատարնբերի մեջ համոզում կա մոտ ամիսներին իշխանության խնդրի հանգուցալուծման կապակցությամբ:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...