Ի՞նչ է նշանակում Արմեն Սարգսյանի հայտարարությունը, թե՝ չի ստորագրելու «ՍԴ-ի մասին» օրենքի փոփոխությունների նախագիծը․ «Հրապարակ»
«Հրապարակ» թերթը գրում է․ «Եվ այսպես՝ մեծ ջանքերի ու երկարատեւ մաքառումների արդյունքում մեր իշխանությունները հասան իրենց ուզածին՝ երկրում սահմանադրական ճգնաժամ ստեղծեցին եւ այնպիսի իրավիճակ, որի մասին ժողովուրդն ասում է՝ «շունը տիրոջը չի ճանաչում»։
Ոչ մեկին հայտնի չէ՝ այսօր Սահմանադրական դատարան ունե՞նք, թե՞ ոչ։ Քանի դատավոր է աշխատում այնտեղ։ Եթե կան թափուր տեղեր, երբ են դրանք համալրվելու։
Առհասարակ՝ վերջին «հանճարեղ» օրենսդրական փոփոխություններն ուժի մեջ մտե՞լ են կամ առաջիկայում մտնելո՞ւ են։
Ի՞նչ է նշանակում Արմեն Սարգսյանի հայտարարությունը, թե՝ չի ստորագրելու «Սահմանադրական դատարանի մասին» օրենքի փոփոխությունների նախագիծը, որն ընդունվեց օրեր առաջ ԱԺ-ում։
Ոչ ոք չգիտի՝ առաջիկայում Սահմանադրական դատարանը կարողանալո՞ւ է նիստեր հրավիրել, թե՞ ոչ։
Եթե չի կարողանալու՝ քվորումի բացակայության պատճառով, դա որքա՞ն է տեւելու, եւ ե՞րբ կկարողանան առաջիկայում լիարժեք նիստ հրավիրել եւ որեւէ հարց քննարկել։
Չէ որ հունիսի 30-ի նիստը, որի օրակարգում 8 հարց կար ընդգրկված, քվորումի բացակայության պատճառով չկայացավ։
Այդ հարցերի մեջ կար միջազգային համաձայնագրի հաստատման հարց՝ ի՞նչ ճակատագիր է սպասվում այդ համաձայնագրին։
Այնպիսի տպավորություն է, որ մեր երիտասարդ իշխանություններն ամեն ինչ անում են երկրում քաոս, կոլապս, տարբեր համակարգերում անկայունություն եւ անկառավարելի իրավիճակ ստեղծելու համար։
Եվ երբ կայացած, աշխատող կառույցն ավերում են ու կաթվածահար անում, դրանից մեծ բավականություն են ստանում։
Ոչ մի կերպ հնարավոր չէ հասկանալ այս «քանդարարների բրիգադի» նպատակն ու գործողությունների իմաստը։
Լավ, այս մի կառույցն էլ քանդեցիք՝ հետո՞։ Ո՞վ է հաջորդը, ուրիշ ի՞նչ կազմալուծման ծրագիր ունեք․ հրապարակեք՝ իմանանք։
Մանրամասն՝ թերթի այսօրվա համարում
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...