Իշխանությունը տապալել է կորոնավիրուսի դեմ պայքարը․ հանրային առողջության գնով գնացին իրենց կապրիզների հետևից․ Նարեկ Մալյան /տեսանյութ/
Ըստ էության՝ հավաքների սահմանափակումը միակ բանն է, որ մնացել է արտակարգ դրության պայմաններում, այսինքն՝ այն ինչ փակ էր, այլևս բաց է, միայն հավաքներ իրականացնել չի թույլատրվում։ Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է «ՎԵՏՕ» շարժման հիմնադիր Նարեկ Մալյանը, փոխանցում է Tert.am-ը:
«Նարեկ Մալյանի խոսքով՝ մենք տեսնում ենք, սակայն, որ հավաքների սահմանափակումը ոչ բոլորի վրա է տարածվում․ «Մեր երկրում կան արտոնյալներ՝ տրանսգենդերներն ու Սորոսի գրասենյակի հետ կապ ունեցող մարդիկ են, ովքեր ազատորեն կարող են ակցիաներ անել»։
Նարեկ Մալյանի համոզմամբ՝ հավաքների սահմանափակումով իշխանությունը փորձում է քաղաքական իր օրերը երկարաձգել․ «Իշխանությունը տապալել է կորոնավիրուսի դեմ պայքարը։ Հենց սկզբից իշխանությունն իր քաղաքական կապրիզը լուծելու ճանապարհին էր, ոչ թե համավարակի կասեցման»։
Ըստ Մալյանի՝ այսօր իշխանությունը չի պայքարում վիրուսի դեմ, իրենք պարզապես իրենց մեղավորությունը գցում են ժողովրդի վրա․ «Այսպիսով՝ մեր իշխանությունը հանրային առողջության գնով գնաց իր կապրիզների հետևից»։
Հարցին՝ հնարավոր է՞, որ արտակարգ դրությունը ձգվի մինչև դեկտեմբեր, Նարեկ Մալյանը պատասխանել է․ «Իշխանության այսպիսի քայլերի դեպքում արտակարգ դրությունը հնարավոր է ձգվի հավերժ, որն էլ կարող է հանգեցնել քաղաքացիական պատերազմի, նման բան պատմության մեջ եղել է»։
Անդրադառնալով Հայ եկեղեցու պատմության առարկայի դպրոցական կրթական ծրագրից հնարավոր հանվելուն՝ Նարեկ Մալյանը նշել է․ «Այս իշխանությունը դեռ շատ քայլերի է գնալու։ Իշխանությունը պղծելու է մեր երեխաներին, հայ ավանդական ընտանիքները»։
Նարեկ Մալյանի համոզմամբ՝ որևէ մեկը չի կարող բացատրել՝ ինչու են եկեղեցու պատմության առարակայի դասաժամերը հանվելու․ «Ըստ էության իրենք հայտարարում են, որ Հայ առաքելական եկեղեցին կրոնական կառույց է, այսինքն՝ մեր եկեղեցին հավասարեցնում են աղանդավորական այլ կառույցներին»։
Նարեկ Մալյանը ներկայացնում է այն ծրագիրը, որով իշխանությունը գնում է Հայ առաքելական եկեղեցու ոչնչացման․ «Իշխանությունը բանակը ոչնչացնելու նպատակով ոչնչացնում է հրամկազմին՝ թիրախավորելով գեներալներին։ Նույն կերպ էլ գնում են Հայ առաքելական եկեղեցու ոչնչացմանը ու կանգ չեն առնելու»»,-գրում է լրատվամիջոցը:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...