Արտակարգ դրությունը արդյունավետ չէ, այն ձեռք է տալիս միայն իշխանությանը
«Ազգային օրակարգ» կուսակցության հիմնադիր Ավետիք Չալաբյանի կարծիքով Հայաստանում հայտարարված արտակարգ դրությունը օգտագործվում է վիճահարույց օրակարգերի ընդունման համար:
ԼՈՒՐԵՐ.com- ի հետ զրույցում Ավետիք Չալաբյանն ասաց, որ արտակարգ դրությունն անհրաժեշտ էր միայն կոնկրետ բնակավայրերի մեկուսացման համար, որը հիմա արդեն անարդյունավետ կլինի. «Ներկայումս համավարակի տարածումը վաղուց դուրս է եկել առանձին բնակավայրերի շրջանակներից, ուստի կոնկրետ բնակայրերի մեկուսացումը արդեն շոշափելի արդյունք չի կարող տալ։ Համենայն դեպս, չեմ տեսնում, թե ինչպես է Կառավարությունը անցած չորս շաբաթվա ընթացքում օգտվել ԱԴ իրավական կարգավիճակից՝ համավարակի տարածման դեմ պայքարելու նպատակով »,- ասաց Ավետիք Չալաբյանը:
Չալաբյանը կարծում է, որ արտակարգ դրությունը կարող է դադարել՝ պահպանելով բոլոր կարանտինային միջոցառումները, քանի որ այն մտցվում է սահմանադրական կարգին սպառնացող անմիջական սպառնալիքի դեպքում, ինչը չկա Հայաստանում. «Արտակարգ դրության գործողության ընթացքում Կառավարության որդեգրած պայքարի ռազմավարությունը բերել է նրան, որ կիրառվող սահմանափակումների զգալի մասը եղել են ոչ արդյունավետ, և քաղաքացիների և ձեռնարկությունների համար բազմաթիվ ծանր խնդիրներ ստեղծելով, իրականում չեն կասեցրել համավարակի տարածումը, արդյունքում մենք այսօր հայտնվել ենք վատթարագույն երկրների համաշխարհային տասնյակում։ Մեզ պետք է ոչ թե ԱԴ, այլ խելամիտ և թիրախավորված կարանտինային միջոցառումներ՝ հիմնված գիտական մոտեցումների վրա» ,- պարզաբանեց Ավետիք Չալաբյանը:
Ավետիք Չալաբյանն ասաց նաև, որ արտակարգ դրության երկարացում, առանց բավարար հիմնավորման դեպքում, իրենք կվիճարկեն դատական կարգով. «Իշխանությունները պարտավոր են հիմնավորել վտանգի փաստացի առկայությունը, այլապես մենք կարող ենք այսպես հավերժ ապրել ԱԴ պայմաններում »,- եզրափակեց «Ազգային օրակարգ» կուսակցության հիմնադիր Ավետիք Չալաբյանը:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...