Ռուսաստանում Ադրբեջանի դեսպանը հայտարարել է Հայաստանի հետ լայնածավալ ռազմական գործողությունների հնարավորության մասին

Ռուսաստանում Ադրբեջանի դեսպան Փոլադ Բյուլբուլօղլին, մեկնաբանելով սահմանին տիրող իրավիճակը, ասել է, որ «այս հակամարտությունը կարող է վերածվել խոշոր բախումների»: Նա միանգամայն հավանական է համարել տարածաշրջանում լայնածավալ ռազմական գործողությունների ծավալումը։ «Կարևոր չէ, թե ով է սկսել առաջինը։ Կարևորն այն է, որ այս խնդիրը պետք է լուծվի։ Մենք պատրաստ ենք բանակցելու, բայց միայն կոնկրետ արդյունքի հանգելու համար։ Որովհետև քանի դեռ բանակցությունները որևէ արդյունք չեն տալիս, այսպիսի բախումներ հաճախ կարող են լինել՝ ընդհուպ մինչև վերածվելով լայնածավալ ռազմական գործողությունների»,- ասել է ՌԴ֊ում Ադրբեջանի դեսպան Բյուլբյուլօղլին։