Կարաբինան այլևս իշխանության հավաքական անունն է

Դժվարանում եմ հավատալ, որ իմ երկրի վարչապետը ԿԳՍՄ նախարարին անվստահություն հայտնելու խորհրդարանական քվեարկությունից ժամեր առաջ Արայիկ Հարությունյանին կաջակցեր նման էժան ձևով՝ վուլգարային թերթի լրագրողի մակարդակով:

Արայիկը երեկ ԱԺ ամբիոնից, ըստ էության, վերածվեց Կարաբինայի՝ իրեն ուղղված հիմնահատակ քննադատությունից պաշտպանվելու նպատակով: Այսօր Նիկոլը բառացիորեն կրկնեց իր վարկաբեկված նախարարին:

Նման անհասցե, ամբարտավան հեգնանք կարող է անել միայն գրդոնով զբաղվող լրագրողը: Ուրեմն, մեր վարչապետն այդ մակարդակից չի բարձրացել:

Կարաբինա Արայիկի բառերը կրկնել ու նրան աջակցել կարող են միայն կադրերից ու բարոյականությունից զուրկ իշխանությունը, վարչապետը, ուրեմն՝ Կարաբինան այլևս իշխանության հավաքական անունն է:

Ու վերջապես Նիկոլ Փաշինյանը բացահայտեց, թե ինչքան է վախեցած ԲՀԿ առաջիկա հանրահավաքից...