Արդարությունը բոլոր ասպեկտներում է վերականգնվելու, մեր երկիրը հաղթանակ է տանելու, իսկ այն մարդիկ, ովքեր Ծառուկյանի նկատմամբ քաղաքական հետապնդում են իրականացնում պատասխան են տալու

 

Օրհասական պահ է մեր հայրենիքի ու ժողովրդի համար, նենգ թշնամին կրկին փորձում է կոտրել հայի կամքը, մեզանից խլել մեր հայրենիքը: Ոտքի են կանգնել բոլորը՝ Հայաստանը, Սփյուռքը , յուրաքանչուրը գիտակցում է իր պատասխանատվության չափն ու աստիճանը, բոլորը փորձում են այս կամ այն կերպ օգտակար լինել հայրենիքին: Սակայն նման իրավիճակում կա մի նախադեպ,որը մինչև հիմա անհասկանալի է մնում ամբողջ հայ ժողովրդի համար, դա երկրորդ քաղաքական ուժի ղեկավարի՝ Գագիկ Ծառուկյանի ապօրինի կալանքի տակ պահելն է: Ծառուկյանն այն գործիչներից է, ով իր մեծ վաստակն ունի հայրենիքի շենացման գործում, տարիներ շարունակ Ծառուկյանը իր ռեսուրսներն օգտագործել է հանուն մեր երկրի ու ժողովրդի: Բայց արի ու տես, որ այս օրհասական պահին, երբ Ծառուկյանի ռեսուրսները, միջազգային կապերն ու հեղինակությունն ամենաօգտակարը կարող էին լինել, չի օգտագործվում, չի օգտագործվում քանզի նրա նկատմամբ քաղաքական հետապնդում է իրականացվում: Իսկապես ցավալի է հատկապես այս իրավիճակում տեսնել Ծառուկյանին ապօրինի կալանավորված, տեսնել ու հասկանալ, որ որոշները մեր երկրի շահը ստորադասում են իրենց անձնական համակրանքներին ու հակակրանքներին, ու ինչ-ինչ անհեթեթ պատճառների: Սակայն լիահույս ենք արդարությունը բոլոր ասպեկտներում է վերականգնվելու, մեր երկիրը հաղթանակ է տանելու, իսկ այն մարդիկ, ովքեր Ծառուկյանի նկատմամբ քաղաքական հետապնդում են իրականացնում պատասխան են տալու: