Հերթական ապատեղեկատվությունը` հերթական չկայացածից, ով ընդամենը չի կարողացել մարսել Գ.Ծառուկյանի հայրենանվեր քայլից եկող դրական ալիքը

 

Չեմ սխալվի եթե ասեմ, որ օրեր առաջ վերականգնվեց արդարությունը և Գագիկ Ծառուկյանն այլևս ազատության մեջ է: Իսկ այսօր հայորդուն հարիր կեցվածքով իր հայրենիքի համար անում է հնարավորինն ու անհնարինը, ինչպես մեզանից շատերը: Սա իհարկե այլ հարց է: Հիմա նժաքարին գործի արժեքայնության չափը տարբեկարելու ճիշտ ժամանակը չէ: Բայց և բոլորովին այլ հարց է նաև որոշ՝ մեզ բավականին լավ ծանոթ լրատվական մանգլավիկների խաղերը այս օրհասկան օրերին, որոնք ասել է թե գխներին տեր ունեն, և մշտապես կատարել ու կատարում են չկայացած պապաների հրամայականները: Հիրավի, որևէ մեկիս համար գաղտնիք չէ, որ Գագիկ Ծառուկյանը կալանքից ազատվելու համար վճարել էր որոշակի չափով գրավ: Իսկ որոշ ժամանակ անց մի պրագմատիկ անհայրենիք չգիտես որտեղից (ամենայն հավանականությամբ հարևանի բակում խմած սուրճի բաժակից) տեղեկանում է, որ Ծառուկյանը բացի վճարված գրավը, պետությանը փոխանցել է նաև մի քանի միլիարդ դրամներ, որոնք ըստ վերոնշյալի, Ծառուկյանի ընկերություններում ստուգումների հետևանքով կուտակված պարտքերն են: Իրավիճակին մասսամբ ծանոթությունն էլ մեզ կտա այն ինչը կփաստի, որ սա հերթական ապատեղեկատվությունն է հերթական չկայացածից, ով ըստ ամենայնի, չի կարողացել մարսել Ծառուկյանի հայրենանվեր քայլից եկող դրական ալիքը և ամեն բան անում է իրողությունը ստվերելու համար: Տեղին եմ համարում նշել, որ Գագիկ Ծառուկյանին պատկանող ընկերություններում միշտ են եղել ստուգումներ, և ի գիտություն շատերի այստեղ երբևէ նման մասշտաբայնության խնդիրներ չեն հայտաբերվել, որոնք էլ, որ եղել են տեղում ստացել են իրենց կարգավորումը: Անպես որ պարոնայք, սովորեք օրինակելի քայլից օրինակ վերցնել, կամ գոնե թացը չորից տարբերել, պղտոր ջրում ձուկ որսալու ո՛չ տեղն ա, ոչ ժամանակը: