«Հայոց Արծիվներ. Միասնական Հայաստան» կուսակցությունը դատապարտում է քաղաքական ձերբակալությունները
Ադրբեջանի հետ խայտառակ ու ստորացուցիչ փաստաթուղթ ստորագրած, ազատ Արցախն Ադրբեջանին հանձնած, Հայաստանը բարոյական և հոգեբանական ծանրագույն անկման հասցրած, Հայաստանի վարչապետի ու գերագույն հրամանատարի պաշտոնը թյուրիմացաբար զբաղեցնող Փաշինյան Նիկոլը Հայաստանում ամերիկյան դեսպանատան ապաստարանից հիմա էլ դիմում է քաղաքական հետապնդումների և ռեպրեսիաների՝ փորձելով լռեցնել իր ընդդիմախոսների և ամբողջ Հայ Ժողովրդի արդար բողոքի ձայնը, որը պահանջում է նրա հրաժարականը:
«Հայոց Արծիվներ. Միասնական Հայաստան» կուսակցությունը խստորեն դատապարտում է Հայաստանում սկսված քաղաքական հետապնդումները և իր աջակցությունն է հայտնում քաղաքական բոլոր այն ուժերին և գործիչներին, ովքեր դարձել են պետական մակարդակով կազմակերպված քաղաքական հետապնդումների զոհ:
Դեռևս սույն թվականի սեպտեմբերի 19-ին «Հայոց Արծիվներ. Միասնական Հայաստան» կուսակցությունն Ազատության հրապարակում հանրահավաք կազմակերպեց՝ «Հեռացնե՛նք Նիկոլին. փրկե՛նք Հայաստանը» կարգախոսով, իսկ սույն թվականի սեպտեմբերի 29-ից մինչև հոկտեմբերի 29-ը՝ ուղիղ մեկ ամիս, «Հայոց Արծիվներ» կամավորական ջոկատն, իմ գլխավորությամբ, մարտական ծառայություն և մարտական հերթապահություն իրականացրեց Արցախի Հանրապետության Մարտունու շրջանի առաջնագծում՝ մեկ սանտիմետր հող անգամ չզիջելով թշնամուն:
Ցավոք, հազարավոր հայորդիների արյան գնով ազատագրված և պահպանված Արցախը, Փաշինյան Նիկոլի Հայաստանակործան քաղաքականության արդյունքում, հանձնվեց խառնածին Ադրբեջանին:
Սույն թվականի նոյեմբերի 9-ի՝ լույս 10-ի գիշերը «Հայոց Արծիվներ. Միասնական Հայաստան» կուսակցությունն Ազգային Ժողովի արտահերթ նիստ հրավիրելու պահանջով դիմեց ԱԺ ԲՀԿ և ԼՀԿ խմբակցությունների պատգամավորներին, նոյեմբերի 10-ին՝ մինչև առավոտյան ժամը 8-ը, ժամանակ տալով «Իմ քայլը» խմբակցությանը՝ ներկայանալ Խորհրդարան՝ չեղարկելու Հայաստանում հայտարարված ռազմական դրությունը և անվստահություն հայտնելու սորոսահպատակ Փաշինյան Նիկոլին: Մեր պահանջը չկատարվեց, ինչը նշանակում է, որ Արցախն Ադրբեջանին հանձնելու ամբողջ պատասխանատվությունը կրում և կրելու է նաև «Իմ քայլը» խմբակցության յուրաքանչյուր պատգամավոր՝ անկախ արդարացումներից:
Հայաստանում քաղաքական ընդդիմախոսների դեմ գործող՝ իշխանության կողմից իրականացվող ահաբեկումներն ու շինծու քրեական գործերն ի զորու չեն կանգնեցնելու Հայաստանի ապազգային իշխանական ռեժիմի դեմ համաժողովրդական պայքարի հուժկու ալիքը:
Մեր կարգախոսը մնում է նույնը. «Հեռացնե՛նք Նիկոլին. փրկե՛նք Հայաստանը»՝ երբեք Արցախը չտարանջատելով մայր Հայաստանից:
«Հայոց Արծիվներ. Միասնական Հայաստան»
կուսակցության Նախագահ՝ Խաչիկ Ասրյան
Գարշահոտ ու հակասանիտարական վիճակ՝ Մալաթիայում
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Երբ իրավունքի ուժը հատում է մարդասիրության սահմանը. «Փաստ»
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին