Ուշադրություն. Գազի Բալոններով Մեքենաների Վարորդներին Նոր «Փորձություն» Է Սպասում
Գազի բալոն տեղադրելու իրավունք են ստանալու միայն այն ընկերությունները, որոնք կառավարությունից լիցենզավորում են ստացել։ Նրանք վարորդների անվտանգության «սերտիֆիկատներ» են տրամադրելու։ ՀՀ Ազգային ժողովը երկրորդ ու վերջնական ընթերցմամբ ընդունեց «Լիցենզավորման մասին» օրենքում փոփոխություններ կատարելու նախագիծը։
«Կարեն Կարապետյանն իրավացի էր. ես էլ եմ մեքենաս գազով լիցքավորում». պատգամավոր — Երեկ` հունվարի 19–ին, օրենսդրության փոփոխությունները ներկայացրել էր տարածքային կառավարման ու ենթակառուցվածքների փոխնախարար Արմեն Սիմոնյանը։ Իշխանությունն առաջարկում է պարտադիր դարձնել գազի բալոնների տեղադրումով (սեղմված գազ, բնական գազ, հեղուկ գազ) զբաղվող տնտեսվարողների լիցենզավորումը։
Կառավարությունը կմշակի անհրաժեշտ տեխնիկական և այլ պահանջներ այն ընկերությունների համար, որոնք համապատասխան վկայական տալու լիցենզիա են ստանալու։ Լիցենզավորված բալոնի տվյալները մուտքագրվելու են միասնական բազա։ Գազալցակայանները իրավունք չեն ունենա լիցքավորել վկայական չունեցող (կամ ժամկետանց վկայականով) բալոնները։ Իսկ եթե բալոնները չհամապատասխանեն սահմանված պահանջներին, դրանց կիրառումը կարգելվի։ Խախտողներին վարչական տուգանք է սպասում։
«Ակնկալվում է, որ գազի բալոնների համակարգի օգտագործման համար վերափոխված մեքենաների շահագործումը կհեշտանա», — ասել է Սիմոնյանը։ Ավելի վաղ, խոսելով փոփոխությունների անհրաժեշտության մասին, Սիմոնյանը նշել էր, որ բալոնների տեղադրման պիկը եղել է 2000-ականներին։ Այդ բալոնները մեծ մասամբ 15-20 տարի երաշխիք ունեն։ Հետևաբար, հիմա ժամկետներն աստիճանաբար լրանում են։
Համազեկուցող, պատգամավոր Գևորգ Պապոյանն իր հերթին նշել էր, որ փոփոխությունները որոշ անհարմարություններ կպատճառեն վարորդներին, որոնք ստիպված կլինեն ստուգել իրենց գազի բալոնների անվտանգությունը։ Սակայն դա արվում է ինչպես վարորդների, այնպես էլ ուղևորների ապահովության համար։ Օրինագիծը նաև արգելում է գազի բալոններ տեղադրել ավտոբուսների սրահներում, իսկ տանիքում տեղադրման դեպքում դրանք պետք է պաշտպանված լինեն արևի ուղիղ ճառագայթներից, ձյունից ու անձրևից։
Գարշահոտ ու հակասանիտարական վիճակ՝ Մալաթիայում
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ
Երբ իրավունքի ուժը հատում է մարդասիրության սահմանը. «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»