Ում է տեսնում ԳՇ պետի պաշտոնում Փաշինյանը
Թեեւ նախագահ Արմեն Սարգսյանը չստորագրեց ԳՇ պետ Օնիկ Գասպարյանի ազատման որոշումը, սակայն, ըստ իշխանությունների, հինգշաբթի օրն իրավունքի ուժով Օնիկ Գասպարյանը կազատվի զբաղեցրած պաշտոնից։ Իշխանությունում արդեն մի քանի օր է՝ ԳՇ նոր պետի թեկնածուներ են դիտարկում, մամուլում քննարկվում է երկու անուն՝ ԳՇ պետի տեղակալ Անդրանիկ Մակարյանի, որն այն քիչ զինվորականներից է, որ չի միացել Փաշինյանի հրաժարականի պահանջին, և ՀՀ ՊՆ ռազմական վերահոսկողական ծառայության պետ Ջալալ Հարությունյանի թեկնածությունը:
Սակայն քիչ առաջ տեղեկացանք, որ Նիկոլ Փաշինյանի ընտրությունը կարծես թե կանգ է առել ԳՇ նախկին պետ Արտակ Դավթյանի վրա։ Ի դեպ, ԳՇ հայտարարությունից հետո լրատվամիջոցներում տարածվեց Դավթյանի մեկնաբանությունը, թե իբր համաձայնել էր Նիկոլ Փաշինյանի այն ձեւակերպման հետ, թե ԳՇ հայտարարությունը ռազմական հեղաշրջման փորձ է։ Ավելի ուշ նա պարզաբանում տարածեց՝ ասելով խեղաթյուրել են իր ասածը,եւ որ դա քաղաքականությանը խառնվել չէ․«Քաղաքականությանը խառնվելու որևէ բան չեմ տեսնում։ Տեսնում եմ, որ պետությունում գործերը լավ չեն, դա է ասում, որ ընդհանուր իրավիճակն այնքան էլ բարվոք չէ, որը կարող է բերել անկանխատեսելի հետևանքների»։
Մենք փորձեցինք Արտակ Դավթյանից պարզել՝ ստացե՞լ է արդյոք նման առաջարկ․«Ես տեղյակ չեմ»։ Ձեզ առաջարկ արե՞լ են, թե՞ ոչ․«Ես ոչ մի բանից տեղյակ չեմ»։ Եթե անեն՝ կընդունե՞ք․ «Չեմ ուզում ոչ մի մեկնաբանություն տալ»։
Հիշեցնենք, որ Դավթյանը 2018 թվականի մայիսի 24-ից մինչև 2020 թվականի հունիսի 8-ը եղել է ԳՇ պետ: Նիկոլ Փաշինյանը նրան ազատեց մեր հայտնի հրապարակումից հետո, երբ Դավթյանը կորոնավիրուսի կարանտինի օրերին որդու հարսանիքն էր արել՝ մեծ թվով հյուրերով, երգ-երաժշտությամբ։
Դավթյանի ազատման առիթով կառավարության նիստում Փաշինյանն ասել էր․ «Ես ուզում եմ երջանկություն մաղթել բոլոր նորապսակներին և նաև գեներալ-լեյտենանտ Արտակ Դավթյանի որդուն ու հարսին, հույս ունենալ, որ նրանք երջանիկ ընտանիք կձևավորեն։ Ես էլի ուզում եմ ասել, որ որոշումները շատ հաճախ ճգնաժամային իրավիճակներում միանշանակ չեն լինում։ Բայց գալիս ու հասնում է մի գիծ, երբ կարգապահությունը, կարգ ու կանոնը արտակարգ դրության և երկրի ղեկավարի ասածներից բխող գործողությունների ճշգրիտ և անվերապահ կատարումը դառնում է առաջնահերթություն մնացած բոլոր հարցերի վերաբերյալ»։
Ավելին՝ այստեղ
«Համահայկական ճակատ» շարժման անդամ Աննա Ղուկասյանի գրառումը Գնդապետ Արտակ Ղազարյանի մասին
Կապանում ունենալու ենք վիեննական վալս. Սեւակ Ավանեսյան
Եթե շարունակենք ժողովրդին բաժանել սևերի ու սպիտակների, դրանից ոչինչ չենք շահի. Արեգ Սավգուլյան
Եղել են նաև երեխաների մահվան դեպքեր. ի՞նչ գործնական, կիրառական նշանակություն կարող է ունենալ ատենախո...
Վարկային և քրեական համաներում՝ հանուն սոցիալական արդարության․ Հրայր Կամենդատյան
Կան մարդիկ, որոնց հանդիպելուց հետո երկար ժամանակ չես կարողանում ազատվել այն ջերմությունից, որ թողնու...
Ու՞մ շահերից էր գործում Փաշինյանը փաստացի փչացնելով հարաբերությունները․ հարցում
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
Կուրթան. խնդիրներից դեպի լուծումներ․ Նարեկ Կարապետյան
Ինչո՞ւ է Բաքվի թիրախում հայտնված հայտնի գործարարը հալածվում իշխանությունների կողմից. «Փաստ»