Գերիների վերադարձը ձգձգվում է. Արայիկ Հարությունյանը ծնողներին ասել է, որ «ուրիշ խնդիր կա, տեղյակ կպահեն»
iPress.am-Շիրակի մարզի գերեվարված 62 զինծառայողների ծնողների մի մասն Արցախում են։ «Փաստինֆո»-ի հետ զրույցում տեղեկությունը հաստատեց Սարապատի համայնքապետ Արտուշ Մանուկյանը, որը նրանց հետ երեկ է զրուցել։
Ծնողներին հայտնել էին, որ հնարավոր է գերիների նոր խումբ վերադառնա, սակայն ԱՀ նախագահը նշել է, որ խանգարող հանգամանքներ են ի հայտ եկել։
«Երեկվա համար պետք է տեղեկություն լիներ, թե կոնկրետ որ օրը հնարավոր կլինի գերիներին վերադարձնել։ Խումբ պետք է գար։ Բայց երեկ Արայիկ Հարությունյանը հանդիպել է հետները, ասել, որ ձգձգվում է, ուրիշ խնդիր կա, տեղյակ կպահեն, հեռախոսահամարները վերցրել էր»,- ասաց Մանուկյանը։
Սարապատ համայնքից երկու ծնող է մեկնել Արցախ։ Նրանցից մեկի եղբայրը գերությունից հունվարին է վերադարձել, սակայն վերջինս որոշել է ներկա լինել հանդիպումներին։ Արցախում արդեն երկու հանդիպում է եղել, սակայն դեռևս ապարդյուն։ Ծնողերը շարունակում են Ստեփանակերտում մնալ։
«Վերջին անգամ Աբազյանի հետ հանդիպման ժամանակ ԱԱԾ տնօրենն ասել է՝ հնարավորինս արագ կբանակցեն։ Ծնողներից մեկին էլ հրավիրել էր Ադրբեջանի ԱԱԾ պետի հետ հանդիպման ժամանակ ներկա գտնվելու։ Այնպես ստացվեց, որ հանդիպումը եղանակի պատճառով չկայացավ։ Դրա համար ծնողները որոշեցին, որ խումբ գնա Արցախ՝ Արայիկ Հարությունյանին հանդիպելու»,- ասաց համայնքապետը։
Նրա տվյալներով՝ գերեվարված զինծառայողների հարազատների հետ հանդիպումները ամենօրյա է։
«Գրեթե ամեն օր էլ ակցիա է իրականացվում, գալիս հավաքվում են մարզպետարանում, կարճ ժամանակով մարզպետարանի դիմացի ճանապարհը փակում են»,- ասաց համայնքապետը։
Հիշեցնենք, որ անհետ կորած զինծառայողների ծնողները պատրաստվում էին բողոքի ակցիաների, մասնավորապես փակել Երևան-Հոկտեմբերյան մայրուղին, սակայն նրանց հայտնել էին, որ մարտի 16-ին գերիների նոր խումբ կարող է վերադառնալ, ուստի ծնողները որոշել էին հետաձգել ակցիան՝ գործընթացին չխոչընդոտելու համար։
Հավելենք նաև, որ անհետ կորած զինծառայողների ծնողները, որոնք նախորդ շաբաթ փակել էին ՊՆ բոլոր մուտքերը, Վաղարշակ Հարությունյանի հետ հանդիպումից հետո հույս էին հայտնել, որ հնարավոր է 30 գերի առաջիկայում վերադառնա հայրենիք։ Միաժամանակ ծնողներին տարբեր խողովակներից հասկացրել էին, որ գերիների վերադարձի դիմաց ադրբեջանցիները Հայաստանից հող են պահանջում։ «30 գերի կարող է տան, բայց էլի ինչ-որ բան ուզում են «կրճեն», նպատակը տարածքներն են՝ բոլորս հասկանում ենք»,- «Փաստինֆո»-ին ասել էր զինվորի հարազատներից մեկը։
Ավելին՝ այստեղ
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...