Թուրքիան մտնում է Ղրիմ
-Թուրքայի նախագահ Էրդողանը Ուկրաինայի նախագահ Զելենսկիի հետ հանդիպմանը հայտարարել է, որ Անկարան հանդես է գալիս Ուկրաինայի տարածքային ամբողջականության ու ինքնիշխանության օգտին եւ չի ճանաչում Ղրիմի անեքսիան։ Էրդողանի խոսքով, Ղրիմի պլատֆորմը «կոչված է միավորել ուկրաինական հողերը»։
Ղրիմի պլատֆորմի վեհաժողովը ծրագրված է օգոստոսի 23-ին։ Կիեւը մտադիր է քննարկել Ղրիմը վերադարձնելու հարցը։ Ուկրաինան առաջարկել է միանալ պլատֆորմին, այդ թվում Թուրքիային, Ֆրանսիային, Մեծ Բրիտանիային, Գերմանիային, Կանադային ու ԱՄՆ-ին։ Թուրքիայի հետ համագործակցությունը Ուկրաինան դիտարկում է որպես «ՆԱՏՕ-ի դարպաս»։
Էրդողանի ու Զելենսկիի համատեղ հռչակագրում խոսվում է Սեւ ծովում անվտանգության ու կայունության ապահովմանը ՆԱՏՕ-ի ներգրավման մասին։ Ռուս-թուրքական արգասաբեր երկխոսությունը շարունակվելու է տարբեր ձեւաչափերում, հայտնել է Կրեմլի կայքը Պուտինի ու Էրդողանի հեռախոսազրույցի կապակցությամբ, Զելենսկիի Կոնտանդնուպոլիս այցի նախօրեին։
Ըստ Կրեմլի կայքի՝ Պուտինը Էրդողանին տեղեկացրել է «ներուկրաինական կոնֆլիկտի» եւ Հայաստանի ու Ադրբեջանի ղեկավարների հետ հեռախոսազրույցների մասին, քննարկվել է իրավիճակը Սիրիայում ու Լիբիայում։ Ռուսաստանի՝ Թուրքիայի հետ «հակաարեւմտյան եւ հականատօ քաղաքականության» ու «հավասար կիսելու» հաջորդ ասպարեզը դառնում է Ուկրաինան։
Թե որքանով Թուրքիան ՆԱՏՕ չէ, թողնենք մի կողմ։ Երեւում է՝ Ակնայից հետո հաջորդ մոնիտորինգային կենտրոնները Բայրաքթարներով լինելու են Ղրիմում ու Դոնբասում։ Առաջին թռիչքն արդեն կայացել է։ Ռուս-թուրքական հավասար կիսելու քաղաքականությունն իրականում Թուրքիային զիջելու քաղաքականությունն է։
Միայն թե Ուկրաինան, Հայաստանը «բաժին չընկնեն» ԱՄՆ-ին ու Եվրամիությանը։ Թուրքիան չի թաքցնում շահագրգռվածությունը ռուս-ուկրաինական բախման մեջ, նախեւառաջ Հարավային Կովկասից հեռացող Ռուսաստանի տեղը զբաղեցնելու նկրտումներով։ Բացի այդ, Թուրքիան հնարավորություն է ստանում «մտնել» Ուկրաինա իր ռազմավարական ծրագրերի ծավալման համար: Հայաստանի դեմ Ռուսաստանի գործողությունները ստեղծել են բոլոր նախադրյալները եւ բացել դռները Թուրքիայի համար:
Ավելին՝ այստեղ
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան