Լռությունը խախտվեց Կրեմլից. Տարօրինակ զանգ Մոսկվա
Մինսկի խմբի համանախագահ, Ֆրանսիայի նախագահ Մակրոնը Ապրիլի 24-ի կապակցությամբ նամակ է հղել Հայաստանի նախագահին: Մյուս համանախագահ երկրի՝ ԱՄՆ նախագահ Բայդենը հանդես է գալու ուղերձով: Երրորդ համանախագահ երկրի՝ ՌԴ նախագահ Պուտինը Ապրիլի 24-ի կապակցությամբ ուղերձ չի հղել, թեեւ նախորդ տարիներին էլ ուղերձներ չի հղել: Ավելին, 2015-ին՝ Ցեղասպանության 100-րդ տարելիցին մասնակցելով Երեւանում կազմակերպված միջոցառմանը, նա իր ելույթում ոչ մի անգամ չի արտաբերել ցեղասպանություն բառը, թեեւ ՌԴ Պետական դուման ճանաչել է այն 1995-ին: Ավելին, հետագայում պարզվեց, որ նա Երեւան էր ժամանել Օբամայի համառ հորդորներից հետո:
Փոխարենը, Պուտինը «հայերի ողբերգությունը» հիշատակեց Արցախում պատերազմից հետո, այդպիսով «հիմնավորելով» Արցախ ռուսական զորք մտցնելը: 1915-ի իրադարձությունների ու Սումգայիթի հիշատակումը զուտ այդ նպատակն ուներ:
Երբ ուժեղացան ազդակները, որ Բայդենը կարող է ճանաչել Հայոց ցեղասպանությունը, Թուրքիայի նախագահի օգնականը 4 կետից բաղկացած «հիմնավորումներ» էր ներկայացրել ամերիկյան կողմին, որոնք ակնհայտորեն ռուսական ծագում ունեին: Ակնհայտ է դարձել, որ Արցախում ռազմական համատեղ օպերացիայից հետո Ռուսաստանն ու Թուրքիան այս խնդրով միասնական ճակատ են կազմել Վաշինգտոնի դեմ:
Այս ֆոնին, Կրեմլի կայքը հաղորդագրություն է տարածել Պուտին-Փաշինյան հեռախոսազրույցի վերաբերյալ, վերջինիս խնդրանքով: Հաղորդագրության մեջ խոսք անգամ չկա Ապրիլ 24-ի կապակցությամբ: Քիչ ինչ հավանական չի թվում, որ ապրիլի 24-ի օրով Նիկոլ Փաշինյանը զանգեր Պուտինին: Բայդեն-Մակրոն բարեկամական մթնոլորտի ֆոնին հնարավոր է Պուտինը ցանկացել է հիշեցնել իր մասին, միեւնույն ժամանակ Նիկոլ Փաշինյանի հետ «կոնսուլտացիաներ» անել այն դեպքի համար, եթե Բայդենը արտասանի Ցեղասպանություն բառը, նկատի առնելով թուրքական կողմի այն նախազգուշացումն ամերիկացիներին, որ այդ դեպքում վտանգվելու է «Կովկասում նոր կարգի ստեղծումը»: Նոր կարգը ռուս-թուրքական համաձայնություններն են Հայաստանի տարածքի վերաբերյալ՝ Լավրովի պլանի ընդլայնված կիրառումը:
Ամերիկյան կողմը վերջին օրերին ընդգծում է Հայաստանի անվտանգության եւ ինքնիշխանության պաշտպանության անհրաժեշտությունը:
Աղբյուրը՝ Lragir,am
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Երբ ակնկալիքների ու իրականության միջև խոր անդունդ է. «Փաստ»