Հարությունյանի «արջի ծառայությունը» Փաշինյանին

 

Պատերազմի հետևանքները պարզ էին հոկտեմբերի սկզբին, սակայն ՀՀ քաղաքական ուժերն ընդհանուր հայտարարի չեն եկել, երեկ հայտարարել է Արցախի նախագահ Արայիկ Հարությունյանը։

Ավելի մեծ վնաս Նիկոլ Փաշինյանին հասցնել հնարավոր չէր, որովհետև Հարությունյանի խոսքերի մեկնությունից տպավորություն է ստեղծվում, որ պոպուլիզմից դրդված, քաղաքական անպատասխանատվության դասական օրինակով Հայաստանի իշխանությունը կանխատեսելի կոտորածի է ուղարկել հազարավոր հայորդիների, շարունակել է պատերազմը՝ կանխատեսելով նորանոր տարածքների կորուստ ու երկրի ինքնիշխանության փոշիացում։

Արայիկ Հարությունյանի հայտարարությունն անհրաժեշտաբար քաղաքական գնահատականի պետք է արժանանա՝ հնարավոր իրավական հետևանքներով։