Իշխանությունն ինչպես հանձնեց Արցախը, նույն կերպ ուզում է հանձնել Սյունիքը` փակ դռների հետևում
Սյունիքի տարածք ադրբեջանական զինված հրոսակների ներխուժումից անցել է գրեթե մեկ օր։ Իշխանություններն ու նրանց սազանդարները տարփողում են ինչ-որ դրական զարգացման մասին, բայց որևէ մեկը չի բարեհաճում հանրությանը տեղեկացնել ո՛չ այդ բանակցությունների ընթացքի, ո՛չ էլ հնարավոր զիջումների մասին։ Հանրությունը, ինչպես 44-օրյա պատերազմում, այնպես էլ այսօր ստիպված է տեղեկություններ քաղել այլընտրանքային աղբյուրներից, կարդալ ադրբեջանցի պաշտոնյաների ու բլոգերների հաճախ կեղծ տեղեկությունները։
«Տեղեկությունները ստացվում են ամենատարբեր ուղղություններից, բացի պաշտոնական աղբյուրներից։ Իշխանության տարբեր դեմքեր էլ ընդամենը զբաղված են իրենց տապալումները «սվաղելու», «ծածկադմփոցն ապահովելու» և պատասխանատվությունից խուսափելու՝ արդեն ավանդական դարձած գործելաոճով»,- նշում է Արցախի նախագահի անվտանգության հարցերով նախկին խորհրդական, «Հենակետ» վերլուծական կենտրոնի ղեկավար Տիգրան Աբրահամյանը և հավելում․
«Ի դեպ, իշխանության տարբեր դեմքերի երեկվա խայտառակ պահվածքն ու պաշտոնական կառույցների լռությունն առավել խորացրեց և վտանգավոր աստիճանի հասցրեց իշխանության՝ ադրբեջանցիներին նոր զիջումներ խոստանալու հասարակության կասկածներն ու մտահոգությունները»։
Առ այսօր որևէ մեկը Փաշինյանի վարչակազմից ողջամիտ բացատրություն չի տվել, թե ինչպես կարող էին ադրբեջանցիները հասնել Սև լճի շրջակայք առանց գեթ մեկ կրակոցի։ Ո՞ւր էին սահմանային հենակետերը, ինչո՞ւ այդ տարածքում ամրություններ չկային, ինչո՞ւ հայկական զինուժը չի նկատել այդ քանակությամբ զինված ադրբեջանիների ներխուժումը և մի հայ հովիվ է տեսել ու ահազանգել։ Անվտանգության խորհրդի քարտուղար Արմեն Գրիգորյանն է միայն մայիսի կեսերին լկտիաբար հայտարարում, թե ձմռան պատճառով չեն կարողացել կահավորել սահմանը։ Իսկ հարցերը, որոնք տրվում և տրվելու են իշխանությանը, բազմաթիվ են։ Թերևս, իշխանությունները չունեն որևէ հարցի պատասխան, այլապես նման վարք չէին ցուցաբերի։
Արմեն Մեհրաբյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Երևանի որոշ հասցեներում, Նոր Կյանք, Խաշթառակ բնակավայրերում գազանջատումներ կլինեն
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տիգրանաշենն այն կետն է, որի շուրջ Փաշինյանը գնալու է բախման ուժայինների հետ․ Ավետիք Չալաբյան