Չպետք է ջլատել ուժերը, ազգային ուժերի համախմբումը հրամայական է
Արցախյան 44-օրյա պատերազմում կրած ցավալի պարտությունից հետո միավորվելու ամենամեծ շանսը պետք է ունենային ազգայնական գաղափարներ կրող ուժերը։ Մարդկության պատմության մեջ սովորաբար ադպես էլ լինում է, պարտությունները խթանում են ազգային մտքի նոր զարթոնք՝ բարոյահոգեբանական, քաղաքական և տնտեսական հետևանքները վերացնելու համար։
Հայաստանն այդ առումով ունիկալ երկիր է։ Խորհրդարանական արտահերթ ընտրություններին մեկ ամսից պակաս ժամանակ է մնացել, ամեն տեսակի ու գույնի քաղաքական ուժ միավորվեցին, դաշինքներ կազմեցին, բայց հեռանկարում չի էլ ուրվագծվում մաքուր ազգայնական միավորման մեկտեղման հավանականությունը։
Միգուցե արևմտյան կենտրոններն են խափանում նման համախմբումը։ Միգուցե։ Ազգայնական ուժերի համախմբման դեպքում առավել քան բարդ կլիներ կտոր-կտոր անել Հայաստանը, ինչպես այսօր են անում ապազգային և ապիկար իշխանությունների ձեռամբ։
Միայն մաքուր, բացառապես Ազգի և Հայրենիքի շահերով առաջնորդվող ուժերի համախմբումը կարող է դուրս բերել երկիրն այս օրհասական վիճակից։ «Սորոսածինները» բնավ շահագրգռված չեն մեր երկրում իրապես ազգային ուժերի համախմբմամբ, ազգային նման դաշինքը կլիներ փաշինյանական վարչախմբի այլընտրանքը։ Դեռ ուշ չէ, կա հնարավորություն «Հայոց Արծիվներ. Միասնական Հայաստան» կուսակցության և նրա նախագահ Խաչիկ Ասրյանի շուրջ համախմբվելու, պատասխանատվության կանչելու Հայոց հայրենիքը ծայրահեղ վիճակի հասցրածներին։
Եթե ազգային քաղաքական գաղափարներ կրող ուժերը իրապես մտահոգ են ու անհանգիստ, պետք է ժամ առաջ միավորվեն «Հայոց Արծիվներ. Միասնական Հայաստան» կուսակցության շուրջ, այլ ոչ հագուրդ տան սեփական ամբիցիաներին, արտահերթ ընտրություններում չնչին քվեներ ստանան։ Հաստատապես դա չէ իրական ազգային ուժերի նպատակը։ Չպետք է ջլատել ուժերը, համախմբումը անհրաժեշտություն է։
Արամ Գիշյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Երևանի որոշ հասցեներում, Նոր Կյանք, Խաշթառակ բնակավայրերում գազանջատումներ կլինեն
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տիգրանաշենն այն կետն է, որի շուրջ Փաշինյանը գնալու է բախման ուժայինների հետ․ Ավետիք Չալաբյան