Ռոբերտ Քոչարյանն այն մասին, թե ինչու Սերժ Սարգսյանի հետ մեկ դաշինքով չեն մասնակցում ընտրություններին

Այսօր մամուլի ասուլիսի ժամանակ րագրողները Ռոբերտ Քոչարյանից հետաքրքրվեցին Սերժ Սարգսյանի հետ ունեցած տարաձայնությունների մասին՝ ցանկանալով իմանալ, թե ինչու նրանք չկարողացան հաղթահարել այդ տարաձայնությունները և ընտրություններին մասնակցել մեկ դաշինքով:

Երկրորդ նախագահն ասաց, որ թեման վաղուց սպառել է, այսօր իրենք տարբեր դաշինքներով են հանդես գալիս այդ ընտրություններին. «Չեմ կարծում, թե այդ թեման այսօր այն թեման է, որի շուրջ մենք բանավեճեր կամ քննարկումներ ծավալենք»:

Հարցին՝ կա արդյո՞ք իրենց միջև տարաձայնություններ, Քոչարյանը պատասխանեց՝ դուք ճանաչո՞ւմ եք երկու մարդ, որոնց միջև ընդհանրապես տարաձայնություններ չլինեն. «Չեմ կարծում, թե այսօր դա այն թեման է, որն արժանի է քննարկման: Մենք գնում ենք մեր ճանապարհով, իրենք՝ իրենց: Դա ակնհայտ է բոլորի համար»:

ավելին