Գագիկ Ծառուկյանի շնորհավորական ուղերձը Երեխաների պաշտպանության միջազգային օրվա առթիվ
Իմ շատ սիրելի՛ փոքրիկներ,
սրտանց շնորհավորում եմ կարևոր այս տոնի՝ Երեխաների պաշտպանության միջազգային օրվա առթիվ: Երեխաները մեր կյանքի իմաստն են, մեզ ապրեցնող գերբնական ուժն ու մեզանից յուրաքանչյուրի սրբազան պարտքն է նրանց համար բարեկեցիկ ու լուսավոր ապագա կառուցելու համար անել հնարավոր ու անհնարին ամեն բան: Յուրաքանչյուր տարի այս օրը հայ մանուկներին ուղղվող մեր ավանդական բարեմաղթանքների ու ցանկությունների շարքում այսօր առաջին հերթին մենք պարտավոր ենք խոստանալ նրանց ժառանգել անվտանգ ու ամուր սահմաններով հայրենիք: Գիտեմ, որ յուրաքանչյուր ծնող իր զավակի համար անում է հնարավոր ու անհնարին ամեն բան՝ նրան լավ կրթություն, լավ դաստիարակություն տալու և նրա համար լավ ապագա կերտելու համար, սակայն այդ ամենն այլևս անկարևոր է դառնում, երբ դու չունես հայրենիք: Հենց հայրենի սահմանների պաշտպանությամբ ենք մենք այսօր պարտավոր ապահովել սեփական երկրում մեծանալու, կրթվելու և մեր երկրի համար լավ մասնագետներ դառնալու մեր երեխաների ապագան: Հենց այս օրը մենք ևս մեկ անգամ պետք է գլուխ խոնարհենք և հարգանքի տուրք մատուցենք բոլոր այն լուսավոր տղաների հիշատակի առաջ, ովքեր իրենց կյանքը զոհեցին հանուն հայրենիքի պաշտպանության: Հավերժ փա՛ռք ու հիշատա՛կ:
Պարզ է, որ մեր երկրին բաժին հասած փորձություններն անհնարին են դարձնում լուսավոր այս տոնը հավուր պատշաճի նշելը, սակայն մենք բոլորս նաև մեր մանուկների առջև պարտք ունենք կատարելու: Մենք պարտավոր ենք ապրել ու ապրեցնել…
Սիրելի՛ փոքրիկներ, ևս մեկ անգամ շնորհավորելով այս հրաշալի տոնի առթիվ՝ բոլորիդ մաղթում եմ անամպ ու անհոգ մանկություն, հարատև խաղաղություն, նորանոր նվաճումներ ու ձեռքբերումներ ազատ, անկախ, անվտանգ ու հզոր հայրենիքում:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Եկեղեցին մեր վերջին սրբությունն է, և մենք ամեն գնով պետք է պայքարենք ու պաշտպանենք այն. Ցոլակ Ակոպյա...
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...