«Մեր տունը Հայաստանն է» կուսակցության ներկայացուցիչների հանդիպումը համակիրների հետ
«Մեր տունը Հայաստանն է» քաղաքական ուժը նախընտրական քարոզարշավի շրջանակում այսօր «Անի պլազա» հյուրանոցի մեծ դահլիճում հանդիպել է իր համակիրների և վստահված անձանց հետ:
«Նախընտրական սեղմ իբր քարոզարշավի համար հատկացված ժամանակի ընթացքում րոպեն ավելի քիչ վայրկյան ունի, քան սովորաբար»,- հավաքը սկսելուց առաջ ասաց «Մեր տունը Հայաստանն է» միասնական ցուցակի վարչապետի թեկնածու Տիգրան Ուրիխանյանը և մարդկանց խնդրեց զբաղեցնել տեղերը:
Նա ասաց, որ հանդիպման ձևաչափն ունի յուրահատկություն և բացի նրանից, ինչ իրենք խոսում են քարոզչության ընթացքում ժողովրդին ներկայացնելու համար, թե ինչու պիտի մասնավորապես մարդիկ 10-րդ քվեաթերթիկը գցեն քվեատուփ, ամենից առաջ անհրաժեշտություն կա անդրադառնալու քարոզարշավի որակին և՛ քվեարկության, և՛ հաշվարկի գործընթացին: Տիգրան Ուրիխանյանը իր համակիրներին և վստահված անձանց հորդորեց հետևել ընտրությունների ողջ ընթացքին և ընտրախախտումների դեպքում անպայման արձանագրել և կապ հաստատել իրենց հետ այդ խնդիրները լուծելու համար․
«Մեր անելիքը հետևյալն է, չնայած այն հանգամանքին, որ ընտրությունները, ընտրական գործընթացը, դրան հետևող ժամերի ընթացքում ամենակարևոր պրոցեսը՝ հաշվարկը, հաշվարկից հետո եռօրյա կտրվածքով ճշգրտումները ուղիղ ԿԸՀ-ի ինչպես նաև պետական մի շարք կառույցների և մարմինների պարտավորությունն են, այսինքն օրվա իշխանությունների, թեկուզ ժամանակավոր պաշտոնակատարների պատասխանատվության տիրույթում են, բայց, ցավոք սրտի, մենք ապրում ենք այնպիսի իրականության մեջ, որ մեր հասարակության զգալի մասը շարունակում է ունենալ ընտրական գործընթացի հանդեպ վերապահումներ, և մենք ինքներս այդ վերապահումներն ունենք»։
«Շտաբի կողմից սահմանված է դրամական հատուցում, ֆինանսավորում այն վստահված անձանց համար, ովքեր այդ օրը ծախսելու են ժամանակ, միջոցներ, կազմակերպչական աշխատանք են իրականացնելու, գումար են ծախսելու, տեղաշարժվելու են։ Բայց դա արվելու է միայն օրենքով սահմանված կարգով, որին կարող եք ծանոթանալ ցանկացած պահի»։
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ