Մարդիկ շրջափակել են Ոստիկանության շենքը, չեն թողնում որևէ մեկը մտնի դուրս գա. Շահենից տեղեկություններ չկան, լարված իրավիճակ է

Այսօր մամուլի ասուլիսի ժամանակ Հրանտ Բագրատյանը հայտնեց, որ Եղեգնաձորում կա տղաների մի լավ խումբ, որոնց թվում կան նաև սփյուռքահայեր: Նրանք նաև հերոսաբար կռվել են Արցախյան պատերազմում: Նրանք քաջ տղաներ են, ովքեր պայքարել են դատախազության անօրինականությունների դեմ:

«Երկու օր առաջ, երբ Նիկոլ Փաշինյանն անցնելիս է եղել, տղաները մեջքով են կանգնել ու ասել՝ հողատու, դավաճան: Նրանք բերման են ենթարկվել, ոստիկանությունում կարմիր բերետավորները բռնել ու ծեծել են տղաներին: Այդ բ-ի լակոտները ծեծում են թուրքի դեմ կանգնած տղաներին. Ի դեպ, երբ մենք գանք իշխանության, այդ կարմիր բերետավորներին ցրելու ենք ու նորից հավաքենք, մարդ չկա»,-ասաց նա:

Բագրատյանն ասաց, որ ծեծելուց հետո 4-ին բաց են թողել, մեկի ձեռքը կոտրված է. «Մեկից՝ Շահենից լուր չունենք: Մարդիկ այս պահի դրությամբ շրջափակել են ոստիկանության շենքը, չեն թողնում, որ մարդ մտնի ու դուրս գա: Մեզ լավ լուրեր չեն հասնում Շահենի մասով, ասում են, որ ահավոր ծեծել են: Չենք կարողանում կապ հաստատել նրա հետ: Սաղդ նստելու եք՝ ոստիկանապետով, կարմիր բերետավորներով»:

Բագրատյանը նշեց, որ հարձակվել են նաև Կապանի գրասենյակի վրա:

ավելին