Կանադայում ավելի քան 100 մարդ դժոխային շոգի զոհ է դարձել

Վերջին երկու օրվա ընթացքում անոմալ շոգ եղանակի պատճառով ավելի քան 100 մարդ կարող էին մահանալ Կանադայի Բրիտանական Կոլումբիա նահանգի տարբեր քաղաքներում։ Այս մասին հայտարարել է CBC հեռուստաալիքը՝ հղում անելով տեղի իրավապահ մարմիններին:

Նշվում է, որ Վանկուվեր, Բարնաբի և Սուրեյ քաղաքներից ոստիկանությունը վերջին 48 ժամվա ընթացքում ստացել է ավելի քան 100 հաղորդում քաղաքացիների հանկարծակի մահվան մասին: Ենթադրաբար, նրանք ջերմային ալիքի զոհ են դարձել: Մահացածներից շատերը թոշակառու են եղել:

Այնտեղ շաբաթվա ամենաշոգ օրերը եղել են կիրակին և երկուշաբթին: Այսպիսով, հունիսի 28-ին Վանկուվերից 150 կիլոմետր հեռավորության վրա գտնվող Լիտտոն քաղաքում օդի ջերմաստիճանը բարձրացել է մինչև 47,9 աստիճանի․ երեքշաբթի այս ռեկորդը թարմացվել է՝ 49 աստիճան:

 ավելին