Որոշ «աբիժնիկներ» իրենց հանգիստը չեն գտնում, գիտեն որ ԲՀԿ-ն որպես արտախորհրդարանական ուժ էլ կենսունակ է ու կայուն

Մարյամ Նեռսիսյանը  ֆեյսբուքյան էջում գրել է.

Նախկին և ներկա աբիժնիկները հետընտրական ավելի կատաստրոֆիկ իրավիճակները քննարկելու փոխարեն, նորից տառապում են ԲՀԿ-ացավով: Իրենց գործերն ու անելիքները թողած քննարկում են ԲՀԿ-ի խորհրդարանում չհայտնվելու հանգամանքը: Հասկանում ենք, որ տարիներ շարունակ սույն աբիժնիկները սպասել են այդ պահին, երբ ԲՀԿ-ն չի հայտնվելու խորհրդարանում: Բայց նույնիսկ դրանից հետո սրանք իրենց հանգիստը չեն կարողանում գտնել, որովհետև շատ լավ են հասկանում, որ ԲՀԿ-ն որպես արտախորհրդարանական ուժ կրկին կայուն ու կենսունակ է, շատ ավելի մեծ գործեր կարող է անել երկրի ու ժողովրդի համար, քան ոմանք խորհրդարանում: ԲՀԿ-ն իր ղեկավարի գլխավորությամբ շարունակելու է իր գործունեությունը, իսկ ինչ վերաբերում է ներկա խորհրդարանին, բոլորին է հասկանալի, որ այս խորհրդարանի օրերը հաշված են, քանի որ այն կազմը որ ձևավորվել է , այդ կազմով որևէ հարց լուծելու ի վիճակի չեն լինելու: Այնպես որ ամեն ինչ դեռ առջևում է ՝ժամանակը ամեն ինչ իր տեղը կդնի: