Ֆրանսիայի նոր առաջարկները Հայաստանին
Հայաստանի բարձր տեխնոլոգիական արդյունաբերության նախարարի պաշտոնակատար Հայկ Չոբանյանը Ֆրանսիայի դեսպան Ժnնաթան Լաքոտի հետ քննարկել է համագործակցության հարցեր:
Չոբանյանը մտադիր է առաջիկայում այցելել Ֆրանսիա: Դեսպան Լաքոտը վստահ է, որ այցը կարող է շատ արդյունավետ լինել փոխգործակցության նոր ոլորտների՝ արհեստական բանականության, արբանյակային ծրագրերի, միջուկային արդյունաբերության և այլ ոլորտների առումով։
Ֆրանսիան, փաստորեն, համագործակցության նոր կարևոր ոլորտներ է առաջարկում՝ միջուկային և տիեզերական: Ժամանակին, երբ Ֆրանսիայի նախագահ Սարկոզին այցելեց Հայաստան, առաջարկվեց ֆրանսիական ընկերությունների հետ բանակցություններ սկսել հայկական ատոմակայանի նոր բլոկի կառուցման շուրջ: Բայց միանգամից հայտնվեց Ռուսաստանը, որը Հայաստանին 300 մլն դոլար վարկ տվեց գործող ատոմակայանի շահագործումը «երկարացնելու» համար: Թե ինչ տեղի ունեցավ «նոր ատոմակայանի» հետ, տեսանելի է բոլորին:
Ֆրանսիան միջուկային էներգետիկայի, արբանյակային արդյունաբերության և արագընթաց երկաթուղիների համաշխարհային առաջատարներից է:
Եվրոպայի հայկական ֆեդերացիայի նախագահ Հիլդա Չոբոյանը դեռ մայիսին հայտարարել էր, որ Ֆրանսիայում հայամետ մթնոլորտ է ստեղծվել, բայց ՀՀ իշխանությունները քայլեր չեն ձեռնարկում առիթն օգտագործելու համար: Չոբոյանը կարծում է, որ Հայաստանը կարող է օգտագործել Ֆրանսիայի հետ կապերը ՝ Եվրամիության հետ համագործակցությունում հաջողության հասնելու համար և ոչ թե գրոշներ ստանալ, այլ ամբողջ ոլորտներ զարգացնել: Օրինակ, Չոբոյանն ասում է, որ Հայաստանը և Ֆրանսիան կարող են համագործակցել տիեզերական ոլորտում:
Գարնանը Ֆրանսիան արբանյակներ վաճառեց Ադրբեջանին, և դա մեծ քննադատության տեղիք տվեց Ֆրանսիայի խորհրդարանի հայանպաստ բանաձևերի և ապրիլի 24-ին բարձրաստիճան պատվիրակության Երևան կատարած այցի ֆոնին: Բայց ի՞նչ է անում Հայաստանը Ֆրանսիայի հսկայական գիտատեխնիկական ներուժը ներգրավելու համար:
Մոսկվա կատարած այցի ընթացքում Նիկոլ Փաշինյանը Պուտինին «հիշեցրեց» ՀԿԵ-ի մասին, որ ընկերությունը վերջապես սկսել է թարմացնել իր շարժակազմը: Ռուսաստանի դեսպան Կոպիրկինը դիմավորեց նոր դատարկ վագոնները: Հարգելի դեսպանը կայցելի՞ Երեւանի մոտ գտնվող Օրբիտա կայան, որը մինչ հայկական հեռացանցերը Ռուսաստանին փոխանցելն արբանյակային կապ էր ապահովում ամբողջ աշխարհի հետ:
Ֆրանսիան կարեւոր քայլ է անում: Հայաստանի կառավարությունը բավարար «դուխ» կունենա՞ ընդառաջ քայլի:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Հարցեր, որոնց պատասխանները, երբեք չեք լսի խորհրդարանի դահլիճում․ հարցազրույց Էդգար Ղազարյանի հետ