Ռուսաստանում թմրանյութերից մահերի թիվն աճել է 60 %-ով

Անցած տարվա ընթացքում Ռուսաստանում թմրանյութերից մահերը նախորդ տարվա համեմատ աճել են 60 %-ով: Այս մասին հայտնում է РБК-ն:

Այսպիսով, 2020 թվականին 7316 ռուսաստանցիներ մահացել են թմրանյութերի հետ կապված խնդիրներից, մինչդեռ մեկ տարի առաջ նմանատիպ խնդիրներից մահացել են երկրի 4569 բնակիչներ: Միջին հաշվով, 2016-2018 թվականներին գրանցվել է մոտավորապես նույն քանակությամբ թմրամիջոցների հետ կապված մահեր:

Նշվում է նաև, որ արձանագրվել է քրոնիկական հիվանդություններից մահացության աճ: Դա, ենթադրաբար, պայմանավորված է կորոնավիրուսով, որը հաճախ հիվանդների մոտ բարդություններ է առաջացնում: Այսպիսով, միայն թոքաբորբից մահացել են գրեթե 2,5 անգամ ավելի մարդ, քան 2020-ին: Էնդոկրին համակարգի հիվանդություններից՝ 25 %-ով ավելի, նյարդային համակարգի՝ 20,9 %-ով: