ԲՀԿ նախագահ Գագիկ Ծառուկյանի շնորհավորական ուղերձը Արցախի Հանրապետության հռչակման 30-ամյակի առթիվ
Սիրելի՛ հայ ժողովուրդ,
30 տարի առաջ՝ 1991թ. սեպտեմբերի 2-ին համազգային կամքով հռչակվեց Արցախի Հանրապետության անկախությունը։
Այս պատմական օրվա, նվիրական տոնի առթիվ շնորհավորում եմ Արցախի հերոսական ժողովրդին, նրա ռազմա-քաղաքական ղեկավարությանը, աշխարհասփյուռ հայությանը։
Գլուխ եմ խոնարհում Արցախ աշխարհի խաղաղության համար անմահացած բոլոր հայորդիների հիշատակի առաջ՝ հատուկ ընդգծելով, որ Արցախի անկախության, նրա հայկականության համար առաջին հերթին պարտական ենք հազարավոր այն նվիրյալներին, որոնք իրենց արյունով գրեցին մեր ժողովրդի, նրա արցախյան հատվածի ազատության պատմությունը։
Քանի Արցախը հայկական է, քանի նրա սրբազան հողում ծնվում են մանուկներ, հայն իր ձեռքով տուն ու այգի է կառուցում, անսասան է մնալու արցախահայության ազատության ձգտումը, Սեպտեմբերի 2-ի ընտրությունը։
Ուստի յուրաքանչյուրս առավելագույն նվիրումով պետք է շարունակենք գտնվել Արցախի, արցախցու կողքին՝ նպաստելով հայկական երկրորդ հանրապետության բարգավաճմանը, նրա քաղաքացիների բարեկեցությանը, հայկական երկրորդ հանրապետության միջազգային ճանաչմանը և ի վերջո նոր հաղթանակների կերտմանը։
Հանուն մեր սուրբ նահատակների հիշատակի մեր պատգամը մեկը պետք է լինի՝ ապրել և ապրեցնել հայրենի հողը։
Փառք ու պատիվ Հայաստանի Հանրապետությանը,
Փառք ու պատիվ Արցախին ու հերոսական ՀԱՅ ժողովրդին,
Աստված պահապա՛ն մեզ բոլորիս:
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Կյանքից հեռացել է 18-ամյա Ալեքսանդր Ղազարյանը․ ծնողը մեղադրում է հայաստանյան կրթական, բժշկական և հան...
Մյասնիկյան պողոտայում բախվել են 2 «BMW» և «Hyundai Elantra»-ն. վերջինն էլ բախվել է ծառին. կա վիրավոր
Միջնորդություն է ներկայացվել ԿԸՀ՝ Թևանյանի նկատմամբ հետապնդում հարուցելու համաձայնություն ստանալու
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն
Իշխանությունների թիրախում են ակտիվ արցախցիները. «Հրապարակ»