Կերել են սնկով պիցցա. «Տաշիր պիցցայի»՝ Խանջյանի մասնաճյուղում սննդից թունավորված քաղաքացիների թիվը 4-ն է

«Տաշիր պիցցա» սննդային ցանցի՝ Երեւանի Խանջյան փողոցի մասնաճյուղում սննդից թունավորված քաղաքացիների թիվը 4-ն է։ Նրանցից երկուսը Նորքի ինֆեկցիոն հիվանդանոցում են, մյուս երկուսը՝ Մարտունու բժշկական կենտրոնում։ Թունավորվածները քույր եւ եղբայրներ են՝ 18-ից 22 տարեկան։ Նրանցից մեկի՝ Նարեկ Ղազարյանի ընկերուհին՝ Անահիտ Խաչիկյանը, NEWS.am-ի հետ զրույցում պատմեց, որ 4-ն էլ միասին նոյեմբերի 3-ին պիցցա են կերել սննդի կենտրոնում։ 

«Կերել են սնկով պիցցա, որի անունը կոնկրետ չեն հիշում։ Հաջորդ առավոտյան նրանցից մեկի ինքնազգացողությունը վատացել է, սրտխառնոց, թուլություն, գլխապտույտ է ունեցել, հետո մյուսներն են սկսել վատ զգալ, դիմել են հիվանդանոց։ Իմ ընկերոջ քույրն ամենավատ  վիճակում է եղել՝ 39 աստիճան ջերմությամբ։ Սիստեմաներ են ընդունում, հիմա աննշան փոփոխություն կա, կարողանում են ինքնուրույն շարժվել»,– պատմեց նա՝ նշելով, որ 4-ի վիճակն էլ բժիշկները գնահատել են միջին ծանրության։

Մանրամասն՝ այստեղ