Հայ կանայք հզոր ուժ են, եթե նրանց ժամանակին և տեղին տրվում է հնարավորություն. Նարինե Մանուկյան

Երեկ մեր ամենակարևոր ու առանցքային ծրագրերից մեկն էլ հաջողությամբ ավարտին հասցրեցինք:

 

Արարատի մարզում` ՄԱԿի Բնակչության Հիմնադրամի հետ 8 հաշմանդամություն ունեցող երեխաների մայրեր ստացան մասնագիտություն և գույք` աշխատելու համար:

 

Սա այս տարվա կարևորագույն համագործակցություններից մեկն էր, որով հպարտանում ենք ու լիահույս ենք, որ կշարունակենք միասին աշխատել` ի բարօրություն հաշմանդամություն ունեցող երեխաների ընտանիքների և կանանց ներուժի հզորացման նպատակով:

 

Աշխատող, արարող, չկանգնող ու զարգացող կինը ընտանիքի հենասյունն է, որակով սերունդ դաստիարակողն ու իր կողակցին սատարողը:

 

Մեր առաքելությունը կանանց կրթելն է, փակուղուց դուրս բերելը:

 

Աշխատանքը կառուցում է մարդուն` դարձնելով պետքական և ինքնաբավ:

 

Հայ կանայք հզոր ուժ են, եթե նրանց ժամանակին և տեղին տրվում է հնարավորություն:

 

Շնորհակալ ենք այս հնարավորության համար!