Խաչիկ Ասրյան. Համախմբվե՛նք Բանակի շուրջ և թուրքերին դո՛ւրս շպրտենք Հայաստանի տարածքից. ահա՛ օրվա հրամայականը

Հա՛յ ազգ
Հայոց Ազգային Բանակը յուրաքանչյուրիս համար բացարձակ արժեք է այնպես, ինչպես Ծնողը, Ընտանիքը, Հայրենիքը: Երկիր մոլորակում բնակվող յուրաքանչյուր Հայ մարդ պարտավոր է Հայոց Ազգային Բանակի անընդհատ հզորացման գործում ներդրում ունենալ այնչափ, որ չափելն անհնար լինի:
2002 թվականի սեպտեմբերից մինչև 2009 թվականի դեկտեմբերը «Սյունյաց Արծիվներ» երիտասարդական հասարակական կազմակերպությունը, այնուհետև 2010 թվականի հունվարից մինչև հիմա «Հայոց Արծիվներ» հայրենասիրական հասարակական կազմակերպությունը Հայոց Ազգային Բանակի բազմաթիվ զորամասերում, ինչպես նաև Հայաստանի և Ադրբեջանի, Հայաստանի ու Նախիջևանի, Արցախի և Ադրբեջանի սահմանագծի գրեթե բոլոր մարտական հենակետերում իրականացրել է 1.500-ից ավելի հայրենասիրական և ռազմահայրենասիրական միջոցառումներ՝ միշտ բարձրացնելով Հայոց Ազգային Բանակի հեղինակությունը և միշտ նպաստելով Հայ զինվորի բարոյահոգեբանական վիճակի ամրապնդմանն ու մարտական ոգու պահպանմանն ու հզորացմանը (hayocartsivner.am):
Հա՛յ ազգ,
Համախմբվե՛նք Բանակի շուրջ և թուրքերին դո՛ւրս շպրտենք Հայաստանի տարածքից. ահա՛ օրվա հրամայականը:
Հավատքո՛վ, Ուժե՛ղ, Միասնա՛կան:

«Հայոց Արծիվներ. Միասնական Հայաստան»
կուսակցության Առաջնորդ,
«Հայոց Արծիվներ» կամավորական ջոկատի Հրամանատար,
գնդապետ՝ Խաչիկ Ասրյան