Ռուսաստանում անցած օրը գրանցվել է COVID-19-ով վարակման 27 434 դեպք

Ռուսաստանում կորոնավիրուսով վարակման հաստատված դեպքերի թիվը մեկ օրում ավելացել է 27 434-ով՝ հասնելով ընդհանուր 10 186 823-ի, շաբաթ օրը լրագրողներին տեղեկացրել են նոր վարակի դեմ պայքարի դաշնային օպերատիվ շտաբում, փոխանցում է ՏԱՍՍ-ը։

Այսպիսով, Ռուսաստանում յոթ օր անընդմեջ հայտնաբերվում է 30 հազարից քիչ վարակված։

Տոկոսային արտահայտությամբ  հիվանդացածների թվի աճը կազմել է 0,27 տոկոս։

Ռուսաստանում կորոնավիրուսով հիվանդանալուց հետո ապաքինվածների թիվը մեկ օրում ավելացել է 38 041-ով՝ 8 952 266։ Հիվանդանոցներից դուրս գրված պացիենտների թիվը, շտաբի տվյալների համաձայն, ավելացել է՝ հասնելով վարակվածների ընդհանուր թվի 87,9 տոկոսին։

Մահացու ելքերի թիվը մեկ օրում ավելացել է 1 076-ով նախորդ օրվա 1 080-ի դիմաց (ընդհանուր՝ 296 180)։

Այսպիսով, երկրորդ օրն անընդմեջ երկրում գրանցվում է քովիդից մեկ օրում մահվան 1 100 դեպքից պակաս։ Պայմանական մահացությունը (վերջնականը կարելի կլինի պարզել միայն համաճարակի ավարտից հետո) ավելացել է մինչեւ 2,91 տոկոս, վկայում են շտաբի տվյալները։