Վայ-հնագետները թող հանգիստ նստեն տեղները... Հատիսի գագաթին ոչ մի շինարարություն դեռ չի ընթանում

Աբել Մկրտչյանն ֆեյսբուքյան իր էջում գրել է.

Հետաքրքիր է՝ ինչու՞ են մեր երկրում ամեն ինչի դեմ խոսում՝ լավի դեմ խոսում են, վատի դեմ խոսում են, իրենք էլ արդեն չեն հասկանում, թե ինչին են դեմ, և որ ամենակարևորն է՝ ինչու՞ են դեմ: Հայտնվել են, էլի հնագետները հայտնվել են: Էս մի բուռ երկրում անգամ որ մի հուղարկավորության փոս ես փորում, տակից պատմական շերտ է բացվում, էդպես որ լիներ ոչ մի մետր հողի այս երկրում վաղուց չպետք է ձեռք տային: Հիմա, երբ ներկայացվել է, թե որքան գիգանտ, հզոր նախագիծ է կյանքի կոչվելու Հատիս սարի երկայնքով, հնագետները էլի հիշել են Հատիս սարի տեղը: Մի հնագետ էլ լուրջ դեմքով պնդում է, թե որոշ տեղերի անդառնալի վնաս է հասցվել: Մեկը չկա ասի, որ ՇՄԱԳ եզրակացություն չկա, ոչ մեկ չգիտի էդ սարի գագաթին ինչ է, պատի կտոր, թե պատմական արժեք, ու որտեղից գիտես ինչ վնաս է հասցվել, ու ինչին:

 

Հազար անգամ ասվեց, որ շինարարությունն այս փուլում Գագիկ Ծառուկյան բարեգործական հիմնադրամը կասեցրել է՝ մինչև կլինեն բոլոր պատկան մարմինների եզրակացությունները: Այսքանից հետո ուղղակի զարմանալի է որոշ կիսագրագետների պահվածքը, որ կամեռա են տեսնում, չասեմ ինչ են լինում...

Մի խոսքով, թող ամեն մեկն իր գործով զբաղվի, վայրահաչելու ոչ տեղն է, ոչ ժամանակը...