«Ուզում էի, որ ֆիլմում հայերենը հնչի ճիշտ». «Անորա» ֆիլմի հատուկ ցուցադրությունն ու քննարկումը՝ Վաչե Թովմասյանի և Կարեն Կարագուլյանի մասնակցությամբ
«Ոսկե ծիրան» 22-րդ միջազգային կինոփառատոնի շրջանակներում հուլիսի 18-ին կայացավ ամերիկացի ռեժիսոր Շոն Բեյքերի՝ բարձր գնահատականի արժանացած «Անորա» ֆիլմի ցուցադրությունը։
Ցուցադրությանը հաջորդեց մտերմիկ քննարկում՝ հայազգի դերասաններ Վաչե Թովմասյանի և Կարեն Կարագուլյանի մասնակցությամբ։ Իսկ Ֆիլմի ռեժիսոր Շոն Բեյքերն ընդգրկվեց զրույցին տեսակապով։ Tert.am Life-ը ներկա է եղել քննարկմանն ու առանձնացրել հետաքրքիր դրվագները:
Հանդիպման ընթացքում դերասաններն անդրադարձան թե՛ ֆիլմի ստեղծման ընթացքին, թե՛ իրենց դերային փորձառություններին ու փոխադարձ գործընկերային հարաբերություններին, որոնք ժամանակի ընթացքում վերածվել են մտերմության։
«Իմ առաջին գեղարվեստական ֆիլմն էր»
Վաչե Թովմասյանը պատմեց, որ «Անորա»-ն իր առաջին գեղարվեստական ֆիլմն էր՝ նկարահանված ԱՄՆ-ում՝ ամերիկյան արտադրական թիմի հետ․
«Երկրորդ տարին էր, որ Միացյալ Նահանգներում էի, ու նկարահանման թիմը ամբողջությամբ ամերիկացի մասնագետներից էր բաղկացած։ Դա ինձ համար մեծ պատասխանատվություն էր։ Կարենն էր միակ հայը, ում հետ պիտի աշխատեի։ Մինչ այդ նրան չէի ճանաչում։ Բայց հենց առաջին օրերից զգացի, որ մեր համագործակցությունը հեշտությամբ կստացվի։ Կարենը շատ բնական էր, իսկ խաղի մեջ՝ լիովին վստահ։ Հետո, երբ մենք նաև կադրից դուրս ընկերացանք, ամեն ինչ ավելի սերտ դարձավ»։
«Ուզում էի, որ ֆիլմում հայերենը հնչի ճիշտ»
Դերասան Կարեն Կարագուլյանն ընդգծեց, որ այս նախագիծը իր համար ոչ միայն դերասանական փորձ էր, այլև ինքնության պահպանում․
«Ինձ համար կարևոր էր, որ ֆիլմում հայերենը հնչի այնպես, ինչպես ես եմ խոսում։ Երբ Շոնին պատմեցի Բրայթըն Բիչ թաղամասի մասին՝ որտեղ առաջինն էի եղել Ամերիկա ժամանելիս, նա շատ հետաքրքրվեց։ Այդ թաղը իր գունեղությամբ դարձավ ֆիլմի մթնոլորտի մի մասը։ Ուրախ եմ, որ կարողացանք այս ֆիլմում փոխանցել մեր հայկական ներկան ու համատեքստը»։
«Ֆիլմի նկարահանումները շատ մոտ էին իրական կյանքին»
Վաչեն նաև պատմեց նկարահանման ընթացքից ու կիսվեց տպավորություններով։ Նրա խոսքով՝ ֆիլմի տեսարաններից շատերը նկարահանվել են իրական միջավայրում, իսկ աշխատել Շոն Բեյքերի հետ՝ եղել է միաժամանակ և՛ ազատ, և՛ խիստ պատասխանատու պրոցես․
«Եթե իմանայի նախապես, որ ֆիլմն այսքան մեծ արձագանք է ունենալու, գուցե լարվեի։ Բայց նկարահանումների ժամանակ Շոնը ստեղծել էր լիակատար ստեղծագործական ազատություն։ Կարող էինք բաներ առաջարկել, փորձել։ Բայց նա նաև շատ մանրակրկիտ էր․ հետագայում էլ՝ պոստպրոդաքշնի ժամանակ, շարունակում էր ստուգել յուրաքանչյուր խոսք, յուրաքանչյուր արտահայտություն»:
Նոր ծրագրեր և վստահություն
Վաչեն խոսեց այն աճի մասին, որն ապրել է ֆիլմից հետո․
«Այս ֆիլմից հետո ինձ ավելի ինքնավստահ եմ զգում։ Կարենը հիմա իմ թև ու թիկունքն է։ Արդեն մտածում եմ նաև ամերիկյան արտադրության նախագծեր անել, մի քանիսի վրա արդեն աշխատում ենք։ Մեկը՝ ֆիլմ է, մյուսը՝ դեռ մշակման փուլում գտնվող նախագիծ։ Թե ինչ կլինի՝ Աստված առաջ, բայց վստահ քայլում ենք առաջ»,- եզրաձակեց Վաչեն:
Լուսանկարները՝ Մերի Դուզդաբանյանի
Բաժանվելը լավ է ազդել․ Աննա Հակոբյանը խնջույքի ողջ ընթացքում պարել է. «Հրապարակ»
Խամենեին վիրավորվել է ոտքերի շրջանում պատերազմի սկզբում․ նա գտնվում է խիստ անվտանգ վայրում
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
Իրանը թույլատրել է Հնդկաստանի դրոշի ներքո նավարկող տանկերներին անցնել Հորմուզի նեղուցով
Հայաստանում Թուրքիայի քաղաքացիների անվամբ գրանցված է 60 միավոր անշարժ գույք
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
Փաշինյան, Արցախ անունը երբեք չես կարողանալու ջնջել, քո թանաքը անզոր է մեր հայ տղերքի այրան դեմ
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Պետական աշխատողները կրկին լրացուցիչ կվարձատրվեն․ պետբյուջեից կհատկացվի մոտ 4.6 մլրդ դրամ
Մոլագարը ԵԽ-ում ելույթ է ունենում այն մասին, որ ցանկանում է դառնալ ամենացածր աստիճանի վասալ