Պետք է որոշենք՝ շարունակում ենք ապրել չկազմակերպված ու վտանգավոր միջավայրում, շնչել գարշահոտ ու փոշի, պարել Ֆեստիվառներում, թե՞ ցանկանում ենք փոխել այս իրավիճակը․ Մարուքյան
Էդմոն Մարուքյանը տելեգրամյան իր ալիքում գրել է․
Առավոտվանից սոցիալական ցանցերում լայնորեն տարածվում են Նուբարաշենի աղբավայրի այրման կադրերը։
Տեսնում ենք, թե ինչպես է առանց այդ էլ աղտոտված Երևանի օդը կրկնակի թունավորվում՝ այրվող աղբից տոքսիկ գազերով։ Այդ օդն ամեն օր շնչում են մեկ միլիոնից ավելի մարդիկ՝ Երևանում և հարակից բնակավայրերում։
Տրամաբանական հարց է առաջանում՝ ինչո՞ւ են Հայաստանում անգամ այսպիսի տարրական խնդիրը մնում անլուծելի։
Պատասխանը, ցավոք, պարզ է․ Հայաստանը չի կառավարվում, իսկ մեր պաշտոնատար անձինք պայմանականորեն բաժանվում են երեք խմբի․
Նրանք, ովքեր չգիտեն և չեն էլ ցանկանում իմանալ, թե ինչպես լուծել երկրի առաջ ծառացած խնդիրները։
Չունեն մասնագիտական փորձ և չեն պատկերացնում անգամ՝ որտեղ են հայտնվել ի պաշտոնե։ Պաշտոն են զբաղեցնում միայն այն պատճառով, որ հեղափոխության օրերին քայլել են, ՔՊ-ի անդամ են կամ պարզապես իշխանությանը լոյալ մարդիկ են:
Նրանք, ովքեր գիտեն՝ ինչպես պետք է աշխատել, որ խնդիրները լուծվեն, բայց խուսափում են պատասխանատվությունից։
Նախընտրում են հեռու մնալ շառից ու փորձանքից, ոչինչ չանել և սպասել վերևից հրահանգի։ Իսկ վերևում էլ չգիտեն, թե ինչ պետք է անել, որ մի հատ էլ հրահանգեն։
Եվ նրանք, ովքեր չեն հասկանում խնդիրների ծավալը և դրանց լուծման ուղիները, բայց վստահ դեմքով որոշումներ են կայացնում:
Այդ պատճառով էլ նրանց յուրաքանչյուր որոշում իրավիճակը դարձնում է ավելի վատը, քան կար մինչ այդ։ Ինչին դիպչում են ավելի վատ է լինում...
Ահա այսպիսին է այսօր Հայաստանի Հանրապետության կառավարման համակարգը։
Սիրելի ժողովուրդ, հարգելի հայրենակիցներ, սա այն իշխանությունն է, որը ձևավորվել է 2021թ. ընտրությունների արդյունքում և մենք բոլորս ստիպված ենք «վայելել» դրա հետևանքները ամեն օր։
Գնդակը ժողովրդի՝ այսինքն մեզանից յուրաքանչյուրի դաշտում է։ Պետք է որոշենք՝ շարունակում ենք ապրել չկազմակերպված ու վտանգավոր միջավայրում, շնչել գարշահոտ ու փոշի, պարել Ֆեստիվառներում, թե՞ ցանկանում ենք փոխել այս իրավիճակը։
Եթե ընտրում եք երկրորդ տարբերակը՝ միացե՛ք մեզ, որպեսզի միասին փոխենք այս իրականությունը:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Հարցեր, որոնց պատասխանները, երբեք չեք լսի խորհրդարանի դահլիճում․ հարցազրույց Էդգար Ղազարյանի հետ