Փաշինյանն ու իր կամակատար Մնացականյանը ստում են, երբ ասում են, որ բանակցությունների սեղանին որևէ փաստաթուղթ չկա. Քաղաքագետ
Եկեք չշեղվենք ամենագլխավորից։ Պատասխանելով ԶԼՄ հարցերին՝ վարչապետ Նիկոլ Փաշինյանն այսօր մի տաս անգամ օգտագործեց «Արցախի ընտրված ներկայացուցիչներ» արտահայտությունը։ Մինչ այդ էլ, դեռևս հունվարին, ԱԳՆ էր օգտագործել «Արցախի ընտրյալ ներկայացուցիչներ» արտահայտությունը, հետո էլ անամոթաբար «բացատրել» թե բա «միջազգայնորեն ընդունված տերմինոլոգիա է դեռևս 1992 թվականից»: Հունվարից մինչ օրս երևի 1000 անգամ տարբեր փորձագետներ հնարավոր և անհնար բոլոր ձևերով փորձել են հասկացնել ՀՀ իշխանություններին, որ նման «տերմինոլոգիայով» իրենք Արցախի կարգավիճակն իջեցնում՝ հավասարեցնում են Ղարաբաղի՝ այսպես կոչված ադրբեջանցիների համայնքի ստատուսին։ Հազար է բացատրվել, որ 92թ. Մարտին, երբ «Ղարաբաղի ընտրյալ ներկայացուցիչներ» արտահայտությունն օգտագործվեց, Շուշին դեռ ազատագրված չէր։ Միլիոն անգամ ենք ասել, որ «պետական իշխանություն» և «ընտրյալ ներկայացուցիչներ» հասկացությունները բովանդակային մեծ տարբերություններ ունեն։ Ու այդքանից հետո Փաշինյանը կրկին օգտագործում է «միջազգայնորեն ընդունված տերմինոլոգիան»։
Ի՞նչ է սա նշանակում։
Պատասխանը, կարծում եմ, ակնհայտ է։ Փաշինյանն ու իր կամակատար Մնացականյանը ստում են, երբ ասում են, որ բանակցությունների սեղանին որևէ փաստաթուղթ չկա, իրենք էլ «կիրթ» ու «կառուցողական տրամադրված» Ալիևի հետ բան չեն պայմանավորվում։ Ուրեմն ասեմ, իմացեք՝ «Արցախի ընտրված ներկայացուցիչներ» արտահայտությունը հենց այդ պայմանավորվածությունների վկայությունն է։ Նույնիսկ ավելի խոսուն վկայություն, քան, օրինակ, «ժողովուրդներին խաղաղության նախապատրաստելու» ծրագրի շրջանակում իրականացված հայ և ադրբեջանցի լրագրողների այցերն էին Արցախ, ՀՀ և Ադրբեջան։ Փաշինյանն ու Մնացականյանը, իհարկե, այդ «խաղաղասիրական» նախաձեռնությունն էլ չեն ընկալում որպես բանակցություններում ձեռք բերված պայմանավորվածություն։ Ու նաև Ադրբեջանի իշխանությունների հետ հաստատված ուղիղ կապը։ Բայց դրանից հարցի էությունը չի փոխվում։ Լավ էլ բանակցում են ու, դատելով այդ բանակցությունների արդյունքում իրենց բառամթերք մտած նոր արտահայտություններից, կարելի է ենթադրել, թե ինչն ինչոց է։
Քաղաքագետ Հրանտ Մելիք-Շահնազարյան
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Արցախի Հանրապետությունը ձևավորվել է Արցախի ժողովրդի ինքնորոշման իրավունքով. Մենուա Սողոմոնյան
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
«Եթե մենք կանգնեցինք Արևմուտքի կողքին, Արևմուտքը մեզ Ուկրաինայի նման օգտագործելու է, և մենք վճարելու...
Հարցեր, որոնց պատասխանները, երբեք չեք լսի խորհրդարանի դահլիճում․ հարցազրույց Էդգար Ղազարյանի հետ