Երկրաշարժից Գեղարքունիքում վնասվել են բնակելի շինություններ, դպրոցներ, խանութներ. մարզպետ
Գեղարքունիքի մարզում երեկ` փետրվարի 6–ին, ժամը 19։36–ին տեղի ունեցած երկրաշարժի հետևանքով վնասվել են բնակելի շինություններ, գործող դպրոցներ, խանութներ, ավտոտնակներ, անասնագոմեր։
Այս մասին Sputnik Արմենիայի հետ զրույցում հայտնեց Գեղարքունիքի մարզպետ Գնել Սանոսյանը։
Նրա խոսքով`վաղ առավոտից մարզպետարանի աշխատակիցները, ԱԻՆ աշխատակիցները, համայնքապետները աշխատանքներ են տանում երկրաշարժի հետևանքով առաջացած վնասներն արձանագրելու ուղղությամբ։
«Մենք առաջնահերթ պետք է գործող դպրոցներին ուշադրություն դարձնենք, որովհետև դրանք հիմնականում հին շենքեր են և պատերի վրա ճաքեր են առաջացել։ Հաշվի ենք առնում, որ երեխաներն այնտեղ երկուշաբթի պետք է դասապրոցեսին մասնակցեն»,–ասաց Սանոսյանը։
Նա նշեց, որ համայնք առ համայնք արձանագրվելու է քաղաքացիների կրած վնասը։ Ինչ վերաբերվում է վնասների փոխհատուցմանը` այդ մաին խոսելըդե վաղէ։
«Հատուկ հանձնաժողովը վնասի գնահատում կիրականացնի, այնուհետև կուղարկեն մարզպետարան, համապատասխան թղթերը մենք էլ կուղարկենք կառավարություն, որտեղ էլ կնշենք, թե որ համայնքն ինչ վնասներ է կրել և հանձնաժողովն ինչ է արձանագրել, որից հետո արդեն կառավարությունում կքննարկեն, թե ինչ պետք է արվի»,–ասաց նա։
Հիշեցնենք`երեկ Գեղարքունիքի մարզում տեղի ունեցած երկրաշարժի հետևանքով ժամանակավորապես դադարեցվել էր հոսանքի մատակարարումը։
Հիշեցնենք`փետրվարի 5-ին, ժամը 19:36-ին Գեղարքունիքի մարզի Շորժա գյուղից 5 կմ դեպի հյուսիս-արևելք, 10 կմ խորության վրա, գրանցվել էր 4.7 մագնիտուդով երկրաշարժ, որի ուժգնությունն էպիկենտրոնում, ըստ MSK-64 սանդղակի, կազմել է 6-7 բալ: Այն զգացվել էր Գեղարքունիքի մարզում 5-6 բալ ուժգնությամբ, Կոտայքի, Տավուշի, Լոռու և Արարատի մարզերի բազմաթիվ բնակավայրերում` 4-6 բալ ուժգնությամբ, իսկ Երևան քաղաքում` 3-4 բալ ուժգնությամբ։
Երկրաշարժին հաջորդել է մոտ 60 սեյսմիկ իրադարձություն՝ փետրվարի 5-ից 6-ը (ժամը 11։00-ի դրությամբ), որից 5 հատը՝ M≥2.5 (բոլորն էլ ավելի թույլ էին, քան առաջին ցնցումը):
Երկրաշարժ է գրանցվել նաև այսօր` փետրվարի 6-ին` տեղական ժամանակով ժամը 11:49-ին։ Այն զգացել են նաև Գեղարքունիքի մարզի Շողակաթ գյուղում։
«Սարսափ ու խայտառակություն․ ասեմ՝ ինչից հետո են բանակում անընդհատ մահեր լինում»․ պահեստազորի սպա
Վերջին «տանիքն» էլ են վերցնում. ինչպես են լրատվամիջոցին մտցրել փակուղի. «Փաստ»
Փաշինյանն ընտրություններից առաջ ճշմարտությունը թաքցրեց հանրությունից. Դավիթ Ղազինյան
Երկու տարի անց կրկին նույն խնդրի առաջ ենք կանգնած. Արցախ TV-ին կարող է կորցնել տարածքը
Նոյեմբերի 3/4-ին 36 ժամ ջուր չի լինելու
Ալիևը կշարունակի նոր զիջումներ պահանջել, իսկ Փաշինյանը՝ զիջել․ Արամ Վարդևանյան
Անկախության հռչակագրից հրաժարումը նշանակում է հրաժարվել ինքնությունիցդ. Ավետիք Չալաբյան
Փողոցային «ռազբորկաներ» ԱԺ-ում. իշխանության սադրանքն ու նյարդային ջղաձգումները. «Փաստ»
TRIPP երթուղին անվտանգ չէ Հայաստանի համար․ Ուժեղ Հայաստան
Արցախի պատմությունը մեզ սովորեցնում է, որ խաղաղության համաձայնագրի համար անհրաժեշտ է մեկից ավելի երա...