Արայիկ Հարությունյանը գաղտնի հանդիպումներ է ունենում Ադրբեջանի նախագահ Իլհամ Ալիևի ներկայացուցչի հետ. Politik.am
Օրերս պարզվեց, որ Հայաստանի և Ադրբեջանի միջև գաղտնի հուշագիր է ստորագրվել։ Այդ հուշագրի առաջին կետով Ադրբեջանին է հանձնվել Սանասարի (նախկ․ Ղուբաթլու) և Կովսականի (Զանգելան) այն հատվածները, որոնք նոյեմբերի 10 եռակողմ հայտարարությամբ չպետք է հանձնվեին Ադրբեջանին, սակայն ավելի ուշ, Փաշինյանը «շտկել է իր սխալը»՝ տարածքները գաղտնի հանձնելու որոշում կայացրել։
Պարզվում է Հայաստանի և Արցախի իշխանությունները այս ընթացքում ամենատարբեր հարցերի շուրջ գաղտնի բանակցություններ են վարում Ադրբեջանի իշխանությունների հետ։ Politik.am-ի տեղեկությունների համաձայն, Արցախի նախագահի պաշտոնը զբաղեցնող Արայիկ Հարությունյանը գաղտնի հանդիպումներ է ունենում Ադրբեջանի նախագահ Իլհամ Ալիևի ներկայացուցչի հետ։ Հանդիպումները կազմակերպվում են ՌԴ մայրաքաղաք Մոսկվայում։ Հենց այս հանդիպումներով է պայամանվորված վերջին շրջանում Հարությունյանի ակտիվ այցերը Մոսկվա։
«Մեր աղբյուրների փոխանցմամբ այս փուլում Ադրբեջանի հետ բանակցվում է էլեկտրաէներգիայի և գազի հարցը։ Ադրբեջանի իշխանությունները պահանջում են, որպեսզի Արցախը դադարի դրանք ստանալ Հայաստանից։ Որպես բոնուս Ադրբեջանն առաջարկում է համաձայնության դեպքում առավել էժան գնով հոսանք և գազ մատակարարել Արցախին։
Այս քայլով Ադրբեջանը նպատակ ունի էներգետիկ անվտանգության առումով Արցախին ևս կտրել Հայաստանից ու մեծացնել կախվածությունն իրենից։ Մեր տեղեկություններով Արցախի իշխանությունները դեռևս դիմադրում են, սակայն վախ կա, որ, ի վերջո, ստիպված կլինեն համաձայնել։
Փորձեցինք գաղտնի բանակցությունների վերաբերյալ մեկնաբանություններ ստանալ Արցախի նախագահի աշխատակազմից, սակայն նրանց հետ կապ հաստատել չհաջողվեց։ Արցախի իշխանություններն, ըստ էության, չեն ցանկանում հանրությանը տեղեկացնել ընթացող գործընթացների մասին և գուցե մի օր էլ այս մասով անակնկալի գանք և պարզվի, որ այս մասով ևս գաղտնի հուշագիր կա ստորագրված»,-գրում է լրատվամիջոցը:
Ավելին՝ այստեղ
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Գարշահոտ ու հակասանիտարական վիճակ՝ Մալաթիայում
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Երբ ակնկալիքների ու իրականության միջև խոր անդունդ է. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ինչի՞ է ձգտում «սրտի օլիգարխ չունեցող» Փաշինյանը. «Փաստ»
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ