ԲԱՑԱՌԻԿ մանրամասներ. Անհետ կորած զինվորների ծնողներից մերկ լուսանկարներ պահանջող տղամարդու նամակագրությունը

Ինչպես այսօր ՀՀ ԱԱԾ-ն հայտնեց, «Ազիզ Մուրադով» տվյալներով տղամարդը կապ է հաստատել 44-օրյա պատերազմում անհետ կորած համարվող զինծառայողների ծնողների և քույրերի հետ, ներկայացել է որպես ադրբեջանցի, վերջիններիս սուտ տեղեկություններ է հայտնել նրանց գտնվելու վայրի ու պահման պայմանների մասին, որից հետո անհետ կորածների մասին որոշակի տեղեկություններ հայտնելու դիմաց պահանջել է սոցիալական ցանցի՝ իր էջին ուղարկել մերկ վիճակում կատարված լուսանկարներ և տեսագրություններ՝ հակառակ դեպքում սպառնացել է սպանել կամ բռնություն գործադրել նրանց գերեվարված հարազատների նկատմամբ: 

iPress.am-ի խմբագրությունը  ստացել է բացառիկ լուսանկարներ, որում ներկայացված է «Ազիզ Մուրադով» անվամբ հայի և անհետ կորած զինվորներից մեկի ծնողի նամակագրությունը: 

iPress.am-ի հետ զրույցում ծնողը (Հասկանալի պատճառներով չցանկացավ հրապարակել իր անունը) նշեց, որ տվյալ տղամարդը խոսակցությունը սկսկել է հայ գերիների մասնակցությամբ հայտնի տեսանյութերից մեկով, այնուհետև ներկայացել է որպես ադրբեջանցի: 

Հատկանշական է նաև այն, որ ծնողի` ադրբեջաներեն պատասխանած հաղորդագրությանը, Մուրադով պնդել է, որ միայն ռուսերեն խոսեն իր հետ:

Մանրամասները` տեսանյութում և լուսանկարներում:

Ավելին՝ այստեղ